Кумаки Пешвои миллат Эмомалӣ Раҳмон ба ятимони ноҳияи Мурғоб расонида шуд

ДУШАНБЕ, 15.04.2023. /АМИТ «Ховар»/. Бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмон ба ятимони кулл ва нимятими ноҳияи Мурғоб кумаки якдафъаинаи Сарвари давлат расонида шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.

Кумаки навбатӣ дар намуди маводи ғизоӣ ба 181 нимятим ва барои 13 ятими кулл сару либос дастрас гардид. Ҳамчунин барои ятимони кулл дастархони идона ороста шуд.

Зимни расонидани кумаки навбатӣ таъкид гардид, ки таваҷҷуҳи давлату Ҳукумат, аз ҷумла Пешвои муаззами миллат муҳтарам Эмомалӣ Раҳмон нисбати ятимон хеле зиёд буда, дар заминаи ғамхориҳои рӯзафзуни Роҳбарияти мамлакат барои ин қишри ҷомеа тамоми шароит фароҳам оварда шудааст.

Тазаккур дода шуд, ки иқдомҳои шоистаи Ҳукумати Ҷумҳурии Тоҷикистон дар масъалаи дастгирии ятимон махсус таъкид гардид ва изҳор дошта шуд, ки дар ҷавоб ба чунин дастгирҳо бояд ҳамеша талош бар он намоем, ки дар ободӣ ва пешрафту шукуфоии Ватани азизамон саҳмгузор бошем.

АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон