Литсеи касбӣ-техникии ноҳияи Шуғнон бо таҷҳизоти истеҳсоли давлатҳои пешрафта таъмин шуд
ХОРУҒ, 02.04.2023 /АМИТ «Ховар»/. Мутобиқи созишномаи ҳамкорӣ байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Бонки Осиёии рушд барои Муассисаи давлатии таълимии «Литсейи касбӣ-техникии ноҳияи Шуғнон» ба маблағи бештар аз як миллион сомонӣ техникаву таҷҳизоти муосир дастрас ва дар ихтиёри донишҷӯён гузошта шуд, хабар медиҳад мухбири минтақавии АМИТ «Ховар» Файз Мирасан.
Ин литсей барои хоҷагии халқ аз рӯи 9 ихтисос мутахассис омода мекунад. Баъди дастрас гардидани таҷҳизоти нав акнун донишҷӯён имконият пайдо намуданд, ки дар баробари баланд бардоштани малакаи касбии худ ҳамчунин баъзе аз маҳсулоти саноатиро истеҳсол ва ба фурӯш гузоранд.
Директори Литсеи касбӣ-техникӣ гуфт, ки бинои чорошёнаи литсей 10 сол пеш бо харҷи беш аз 15 миллион сомонӣ дар ҳузури Президенти мамлакат муҳтарам Эмомалӣ Раҳмон мавриди истифода қарор дода шуд. Қаблан дар ин таълимгоҳ 200 донишҷӯ таҳсил мекард, аммо баъди пурра ба истифода додани бинои нав теъдоди донишҷӯён ба 425 нафар расид.
Бештари довталабон шавқи таҳсил дар бахшҳои кафшергари барқию газӣ, дӯзандагию дуредгарӣ доранд ва барои омӯзиши ҳаматарафаи ин ихтисосҳо дар литсей ҳам омӯзгорони ботаҷриба ва ҳам таҷҳизоти пешрафта мавҷуд аст. Илова бар ин, омӯзгорону донишҷӯён барои такмили дониши назариявию амалии худ ба шаҳри Хоруғ фиристода мешаванд. Ба наздикӣ чанд нафар омӯзгор аз курси кӯтоҳмуддати дӯзандагӣ, ки бо ҷалби мутахассисон аз вилояти Суғду шаҳри Душанбе дар шаҳри Хоруғ баргузор гардид, баргаштанд. Онҳо ҳоло дониш ва таҷрибаи андӯхтаашонро ба шогирдон меомӯзанд.
Литсеи касбӣ-техникӣ бо шуъбаи маорифи ноҳияи Шуғнон шартномаи ҳамкорӣ ба имзо расонд, ки тибқи он то моҳи сентябри соли равон муассисаҳои таълимии ноҳияро бо либоси ягонаи талабагӣ таъмин менамояд.
Роҳбари литсей изҳор дошт, ки хатмкардагони литсей дар Неругоҳи барқӣ-обии «Роғун» ва Неругоҳи хурди барқӣ-обии «Себзор» дар ноҳияи Роштқалъа кор мекунанд. Роҳбарияти ин неругоҳҳо аз дониш ва лаёқату ҳунари онҳо қаноатманд мебошанд.
АКС: АМИТ «Ховар»
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
