Мутахассисони «Амонатбонк» ба донишҷӯён саводнокии молиявии рақамиро тавзеҳ доданд
ДУШАНБЕ, 09.04.2023 /АМИТ «Ховар»/. Дар доираи Ҳафтаи байналмилалии молиявӣ (Global Money Week) бо иқдоми Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» дар Донишгоҳи давлатии молия ва иқтисоди Тоҷикистон» барои донишҷўёни тахассуси «кори бонкӣ» дар мавзӯи «Саводнокии молиявии рақамӣ» ҳамоиш баргузор гардид, ки дар он устодону донишҷӯёни Донишгоҳ ва мутахассисони «Амонатбонк» иштирок намуданд. Дар ин хусус ба АМИТ «Ховар» дар бонки мазкур иттилоъ доданд.
Ба донишҷӯёни тахассуси бонкдорӣ доир ба истифода ва дастрасӣ ба хизматрасонии молиявии рақамии ташкилоти молиявӣ маълумот дода шуда, таъкид гардид, ки хизматрасонии мазкур ва шабакаҳо барои таъмини эҳтиёҷоти муштариён таҳия гардидааст.
Ҳамзамон доир ба намудҳои кортҳои бонкӣ, тарзи дурусти истифодаи онҳо, хизматрасонӣ тавассути кортҳои пардохтии бонкӣ ва бартарияти онҳо дар амалиёти пулӣ, хизматрасонии Интернет-банкинг, барномаи мобилии «Амонат-мобайл», хусусияти ҳамёни электронӣ ва ғайра маълумоти муфассал пешниҳод карда шуд.
Барои омода намудани кадрҳои ҷавону болаёқати соҳаи бонкӣ дар якчанд муасcисаҳои таҳсилоти олии касбии мамлакат, аз қабили Донишгоҳи байналмилалии сайёҳӣ ва соҳибкории Тоҷикистон, Донишгоҳи давлатии молия ва иқтисоди Тоҷикистон, Донишгоҳи давлатии ҳуқуқ, бизнес ва сиёсати Тоҷикистон, воқеъ дар шаҳри Хуҷанд синфхонаҳои таълимии «Амонатбонк» бо тамоми шароити зарурӣ фаъолият менамоянд.
Ҳадаф аз ин ҳамкорӣ- тайёр кардан ва такмили ихтисоси мутахассисони бонкӣ, инчунин мутахассисони баландпоя аз рўи ихтисосҳои «Кори бонкӣ», «Молия ва қарз», «Баҳисобгирии бухгалтерӣ, таҳлил ва аудит дар бонкҳо», «Технология ва низоми иттилоотӣ дар иқтисодиёт» ва аз тарафи кормандони Бонк баргузор намудани машғулияти амалӣ барои донишҷӯён мебошад.
АКС: КВД Бонки амонатгузории Ҷумҳурии Тоҷикистон «Амонатбонк»
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
Агентии «S&P Global Ratings» рейтинги соҳибихтиёрии қарзии Тоҷикистонро ба дараҷаи «B+/B» бо дурнамои «устувор» баланд бардошт
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
ҚУРБИ АСЪОР: 1 рубли русӣ аз 0.1040 то 0.1099 сомонӣ муқррар шудааст
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
