«НАҚШИ ЗАНОНИ СИЁСАТМАДОР ДАР ТАҲКИМИ ҲУВИЯТИ МИЛЛӢ ВА ТАРБИЯИ ВАТАНДӮСТИИ ШАҲРВАНДОН». Таҳти ин унвон дар Душанбе ҳамоиш доир шуд
ДУШАНБЕ, 21.04.2023. /АМИТ «Ховар»/. «Нақши занони сиёсатмадор дар таҳкими ҳувияти миллӣ ва тарбияи ватандӯстии шаҳрвандон» -таҳти чунин унвон 19 апрел бо мақсади дар амал татбиқ намудани Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» ҳамоиш доир шуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ҳамоиш бо ибтикори Кумитаи кор бо ҷавонон ва варзиш доир шуда, дар он намояндаи Комиссияи марказии интихобот ва раъйпурсии Ҷумҳурии Тоҷикистон, роҳбарияти Ташкилоти ҷамъиятии «Пайравони Пешвои миллат» иштирок намуда, вобаста ба нақши занон дар таҳкими пойдории оила ва давлат сухан гуфтанд.
«Қабул гардидани қонуни мазкур ташаккули дарки баланди ватандӯстӣ дар тафаккури шаҳрвандон, ҳисси садоқат ба Ватан буда, дар ин самт бояд занон нақши босазо гузоранд. Зеро тамаддуни башарӣ аз домани занон маншаъ мегирад ва инро бояд насли башар донаду эҳтиром созад»,-иброз доштанд иштирокчиёни ҳамоиш.
Гуфта шуд, ки Истиқлоли давлатӣ дар ҳаёти зани тоҷик таъсири амиқ гузошта, онҳо ҳамчун фарзандони ин сарзамини аҷдодӣ ба раванди таҳким бахшидани корҳои созандагию бунёдкорӣ фаъолона ворид гаштанд. Маҳз дар шароити соҳибистиқлолӣ собит гардид, ки занон дар баробари рисолати модариву ҳамсарӣ вазифаи роҳбариро низ метавонанд сарбаландона иҷро намоянд.
Дар идома иштирокчиён дар бораи дарки ҳувияти миллӣ, ҳисси худшиносӣ, муқаддасоти Ватан-Модар, роҳҳои пешгирӣ намудани паҳншавии афкори ифротгароёна, хурофоту таассуб андешаҳои ҷолиб баён намуданд.
Иброз дошта шуд, ки ҳувият миллатро сарҷамъ мекунад. Аз донишҷӯён даъват ба амал оварда шуд, ки аз шабакаҳои иҷтимоӣ эҳтиёткорона истифода намуда, фирефтаи таблиғу тарғиби дигарон нашаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
