Нашриёти «Ирфон» доир ба усулҳои тавлид, интиқол, истифода ва сарфаи энергияи электрикӣ китоб ба нашр расонид
ДУШАНБЕ, 04.04.2023 /АМИТ «Ховар»/. Муассисаи нашриявии «Ирфон» бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) таҳти унвони «Усулҳои тавлид, интиқол, истифода ва сарфаи энергияи электрикӣ» китоби нав ба нашр расонид. Дар ин хусус ба АМИТ «Ховар» дар муассисаи мазкур иттилоъ доданд.
Ин дастури илмӣ–амалӣ дар матбааи ҶДММ «Сифати чоп» бо теъдоди қариб 500 нусха ба табъ расидааст.
Тавре директори Муассисаи нашриявии «Ирфон», муҳаррири библиографӣ, номзади илмҳои педагогӣ Қурбон Ғуломзода иттилоъ дод, «дар ин дастур маълумоти ибтидоӣ дар бораи усулҳои тавлид, интиқол, истифода ва сарфаи энергияи электрикӣ дар манзили истиқоматӣ, корхонаю ташкилот, муассисаҳои фарҳангию фароғатӣ ва дигар ташкилот, новобаста ба шакли моликияташон гирд оварда шудааст. Аз ҷумла, маълумоти мухтасар дар бораи мафҳуми ҷараёни электрикӣ, тавлид ва тарзи интиқоли он ба ҳар хонадон ва корхона, занҷири электрикии одӣ ва ҷузъҳои он, сохти электрикии баъзе таҷҳизоти электрикии хона, маълумоти ибтидоӣ дар бораи кори манбаъҳои барқароршаванда ва барқарорнашавандаи энергия, муҳофизакҳо ва ҳимоятгариҳои худкор (автоматӣ) пешниҳод шудааст».
Муқаддимаи дастури илмӣ-амалӣ бо се забон: тоҷикӣ, русӣ ва англисӣ навишта шудааст.
Китоби илмӣ-амалии «Усулҳои тавлид, интиқол, истифода ва сарфаи энергияи электрикӣ» барои ҳамаи истифодабарандагони неруи барқ, устодону донишҷӯёни соҳаи табиатшиносӣ, илмҳои дақиқ ва риёзӣ дастури хуби корию омӯзишӣ ба шумор меравад.
АКС: АМИТ «Ховар»
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
