Оби аз ҷумак равон метавонад сабаби рушди бемории аутизм дар кӯдакон гардад
ДУШАНБЕ, 23.04.2023 /АМИТ «Ховар»/. Мувофиқи таҳқиқоти наве, ки аз ҷониби олимони амрикоӣ ва даниягӣ гузаронида шуд, дар занони ҳомиладоре, ки оби аз ҷумак равони дорои миқдори зиёди литийро истеъмол мекунанд, хатари таваллуди кӯдаки гирифтори бемории спектри аутизм баланд аст. Дар ин хусус АМИТ «Ховар» бо истинод ба «АЗЕРТАҶ» иттилоъ додааст..
Тавре ки «АЗЕРТАҶ» иттилоъ медиҳад, аз сабаби он ки литий қобилияти муътадил гардонидани руҳияи инсонро дорад, пайвастагиҳои муайяни литий кайҳо боз барои муолиҷаи ошуфтаҳолӣ (депрессия) ва ихтилоли биполярӣ истифода мешуд. Бо вуҷуди ин баҳсҳо дар бораи он ки оё модарон метавонанд ҳангоми ҳомиладорӣ доруҳои дорои литийро бехатар истеъмол кунанд, идома меёбанд, зеро далелҳои афзоянда вуҷуд доранд, ки он ба хатари баланди бачапартоӣ, нуқсонҳои дил ё нуқсонҳои таваллуд алоқаманд аст.
Истеъмоли оби бастабандишуда дар Дания яке аз камтарин амал дар Аврупо мебошад, даниягиҳо асосан оби аз ҷумак равонро менӯшанд. Дар мамлакат низоми боэътимоди ченкунии микроэлементҳо ва дигар моддаҳои ифлоскунандаи об низ мавчуд аст, ки ин кори тадқиқотчиёнро осон кардааст.
Пас аз хориҷ кардани омилҳои дигаре, ки метавонанд ба аутизм мусоидат кунанд, маълумот нишон дод, ки бо зиёд шудани сатҳи литий дар об хатари ташхиси аутизм низ афзоиш ёфтааст. Муҳаққиқон инчунин муайян кардаанд, ки робитаи байни сатҳи литий ва хатари аутизм дар шаҳрҳо нисбат ба онҳое, ки дар шаҳрҳои хурдтар ва деҳотанд, қавитар аст. Эҳтимол дорад, ки барои сокинони шаҳр вазъият банобар миқдори зиёди моддаҳои ифлоскунандаи иловагӣ бадтар шавад.
Азиза ИКРОМ,
АМИТ «Ховар»
Акс: «АЗЕРТАҶ»
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
