Полиси Ню-Йорк барои мубориза бо ҷинояткорӣ ба истифодаи роботҳо шуруъ кард
ДУШАНБЕ, 13.04.2024 /АМИТ «Ховар»/. Полиси Ню-Йорк ба истифодаи роботҳо барои посбонии метрои шаҳр ва мубориза бо ҷинояткорӣ шуруъ кард. Дар ин хусус рӯзи сешанбе рӯзномаи «New York Post» бо истинод ба сардори полиси шаҳри Кичант Сюэлл хабар дод, иттилоъ медиҳад АМИТ «Ховар» бо истинод ба ТАСС.
«Барои ҳифз намудани шаҳри муосир ва ҷаҳони ояндаи мо муҳим аст, ки кормандони мо бо асбоб, омӯзиш ва технологияи зарурӣ барои бехатар ва самаранок анҷом додани ин кор муҷаҳҳаз бошанд»,- гуфт сардори пулиси шаҳр, ки суханони ӯро нашрия иқтибос овардааст.
Ба навиштаи рӯзнома, полис аз ду «саги рақамӣ» истифода мебарад, ки арзиши умумии онҳо тақрибан 750 ҳазор долларро ташкил медиҳад. Онҳо бо микрофонҳо, камераҳо ва сенсорҳо муҷаҳҳаз шудаанд. Суръати баландтарини ҳаракати ин «сагҳои рақамӣ» тақрибан 1,6 км/соат аст. Роботҳо, ки «робот-хабаркаш» ном гирифтаанд, дар майдони асосии шаҳр – Таймс-сквер ва истгоҳҳои метро посбонӣ мекунанд.
Қаблан шӯрои нозирони шаҳри Сан-Франсискои Амрико барои манъи истифодаи роботҳо барои маҳви ҷинояткорон ба полис раъй дода буд. Ба гуфтаи раиси шӯро Дина Престон, сокинон шаҳрро «макон барои роботҳои қотил» намешуморанд.
Азиза ИКРОМ,
АМИТ «Ховар»
АКС аз манбаъҳои боз
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
