«САД РАНГИ ЧАКАН». Дар ноҳияи Сино даври ноҳиявии Фестивали ҷумҳуриявии мазкур баргузор гардид
ДУШАНБЕ, 29.04.2023 /АМИТ «Ховар»/. Дар Филармонияи давлатии Тоҷикистон ба номи Акашариф Ҷӯраев даври ноҳиявии Фестивали ҷумҳуриявии «Сад ранги чакан» дар ноҳияи Синои шаҳри Душанбе баргузор гардид, хабар медиҳад АМИТ «Ховар».
Дар ин чорабинии фарҳангӣ тарроҳону чакандӯзон аз муассисаву идораҳои ҳудуди ноҳия иштирок карда, намунаҳои зиёди либоси чакан ва пероҳану тоқиҳои бо нақшу нигори миллӣ ороёфтаро, ки муаррифи фарҳанги дирӯзу имрӯзи тоҷикон аст, ба намоиш гузоштанд.
Фестивали ҷумҳуриявии «Сад ранги чакан», ки бо ибтикори Ҳукумати Ҷумҳурии Тоҷикистон ва Кумитаи кор бо занон ва оила дар шаҳру ноҳияҳои мамлакат идома дорад, яке аз тадбирҳои муҳим ба хотири эҳёи суннатҳои миллии тоҷикӣ ҳисобида мешавад.
Дар ноҳияи Синои шаҳри Душанбе низ ин Фестивал бо риояи ҳамаи талабот баргузор гардид. Бонувони ҳунарманд, дӯзандагони чирадаст, тарроҳону қаламкашон ва чакандӯзону сӯзанидӯзони ин ноҳияи пойтахт беҳтарин дастовардҳо, нақшу гулдӯзиҳо, сӯзаниҳо ва намунаи чаканҳои зебои худро намоиш доданд.
Дар Фестивал намояндагони Мақомоти иҷроияи ҳокимияти давлатии ноҳияи Сино суханронӣ намуда, иброз доштанд, ки чакан гулдӯзии одӣ набуда, пайдоиши он ба ҳазораи дуюми пеш аз милод рост меояд.
Оид ба кашидадӯзӣ дар китобҳои «Авасто», «Шоҳнома» ва осори бисёре аз адибони гузашта маълумоти зиёд дарҷ гардидааст.
Бояд гуфт, ки Фестивали «Сад ранги чакан» ба баланд бардоштани эҳсоси ватандӯстиву хештаншиносӣ, ифтихори ватандорӣ, арҷ гузоштан ба таъриху тамаддун, фарҳангу адабиёт, расму ойинҳои миллию мардумӣ ва ба ин васила муаррифии санъату ҳунари волои халқи тоҷик дар арсаи байналмилалӣ равона гардидааст. Ин фестивал имкон медиҳад, ки паҳлуҳои то ҳанӯз норавшани анъанаҳои миллӣ, ҳунари волои чакандӯзии ин ё он маҳал, санъати асили гулдӯзӣ, сӯзанидӯзӣ, тоқидӯзӣ ва навъҳои гуногуни нақшу нигори миллӣ дубора эҳё гардида, мавриди баҳрабардорӣ қарор гиранд.
Дар фарҷоми чорабинӣ ғолибони даври аввали Фестивал дар ноҳияи Синои шаҳри Душанбе муайян гардида, беҳатринҳо бо намунаи ҳунари худ дар даври шаҳрии Фестивал иштирок хоҳанд кард.
АКС: Мақомоти иҷроияи ҳокимияти давлатии ноҳияи Сино
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
