Сокинони ноҳияи Ашт ба оилаҳои аз заминларза зарардидаи Кӯҳистони Мастчоҳ 70 тонна семент кумак расониданд

ДУШАНБЕ, 05.04.2023 /АМИТ «Ховар»/. Аз ҷониби сокинони ноҳияи Ашт ба оилаҳои аз заминларза зарардидаи ноҳияи Кӯҳистони Мастчоҳ 70 тонна семент кумак расонида шуд. Дар ин хусус ба АМИТ «Ховар» дар мақомоти иҷроияи ҳокимияти давлатии ноҳия хабар доданд.

Иқдоми мазкур-расонидани кумак ба аҳолии бародари ноҳияи Кӯҳистони Мастчоҳ идома хоҳад дошт.

Бояд гуфт, ки чанде қабл дар пайи заминларзаи сахт дар ноҳияи Кӯҳистони Мастчоҳ якчанд адад иншооти ҳаётан муҳим ва хонаҳои истиқоматӣ осеб диданд, ки дар айни замон корҳои барқароркунӣ дар онҳо идома доранд.

Ёдовар мешавем, ки 23 марти соли 2023 дар Тоҷикистон заминларза ба қайд гирифта шуд, ки маркази ҷунбиши қишри замин дар километри 132-юми қисми шимолу шарқи шаҳри Душанбе, километри 50-уми қисми шимолу ғарби минтақаи Рашт ва километри  96-уми шаҳри Хуҷанд, дар ҳудуди деҳаи Палдораки Ҷамоати деҳоти Лангари ноҳияи Кӯҳистони Мастчоҳ дар умқи 11 километр ҷойгир буд.

АКС: Мақомоти иҷроияи ҳокимияти давлатии ноҳияи Ашт