Созмони умумиҷаҳонии тандурустӣ аз хатари шарбати сулфаи истеҳсоли Ҳиндустон огоҳ мекунад
ДУШАНБЕ, 28.04.2023 /АМИТ «Ховар»/. Созмони умумиҷаҳонии тандурустӣ 25 апрел оид ба шарбати сулфаи истеҳсоли Ҳиндустон, ки дар таркибаш «миқдори ғайриқобили қабули диэтиленгликол ва этиленгликол» мавҷуд аст, ҳушдор дод. Дар ин хусус АМИТ «Ховар» бо истинод ба «Синхуа» иттилоъ додааст.
Дар изҳороти СУТ баён шудааст, ки дар ҷазираҳои Маршалл ва Микронезия як миқдор доруи хатарноки сулфаи истеҳсоли Ҳиндустон пайдо гардидааст. Дар намунаҳои шарбат аз ҷазираҳои Маршалл миқдори номақбули моддаҳои заҳролуд — диэтиленгликол ва этиленгликолро ошкор кардаанд.
Созмони умумиҷаҳонии тандурустӣ оид ба заҳролудшавӣ аз ин дору хабар надодааст, аммо ҳушдор додааст, ки истеъмоли миқдори зиёди диэтиленгликол ва этиленгликол метавонад боиси марг гардад.
Ёдовар мешавем, ки баъди истеъмоли шарбати «Док-1 Max» — и истеҳсоли Ҳиндустон моҳи декабри соли 2022 дар Узбекистон 19 кӯдак фавтид.
22 декабри соли гузашта Узбекистон бинобар хабари марги 15 кӯдак фурӯши ин доруро муваққатан мамнуъ эълон намуд. Вазорати тандурустии Узбекистон 27 декабр натиҷаи санҷишеро нашр кард, ки марги 20 кӯдакро пас аз истеъмоли доруи «Док-1 Max» тасдиқ намудааст. Шарбати «Док-1 Max» ба талаботи муқарраршуда ҷавобгӯ нест.
Тавре АМИТ «Ховар» қаблан иттилоъ дода буд, дар Тоҷикистон фурӯши доруи ҳиндии «Dok-1 Max» манъ карда шуд.
Вазорати тандурустӣ ва ҳифзи иҷтимоии аҳолии Тоҷикистон аз волидон даъват кардааст, ки дору ва маҳлулҳои тиббиро танҳо бо дорухати табибон аз дорухонаҳо харидорӣ намоянд.
Азиза ИКРОМ,
АМИТ «Ховар»
АКС: «Синхуа»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
