ТАҚВИМИ АМИТ «ХОВАР»: имрӯз 20 апрел, панҷшанбе, 110- умин рӯзи соли 2023 аст

11 сол қабл, дар ин рўзи  соли 2012 дар Кохи Сомони бӯстонсарои Ҳукумати Ҷумҳурии Тоҷикистон Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ироа гардид.

***

20 апрели соли 2015 Президенти мамлакат Эмомалӣ Раҳмон дар маросими гузоштани санги асос барои бунёди хати барқии 500- киловолтаи Душанбе- ноҳияҳои тобеи марказ ва панҷ мактаби миёнаи таҳсилоти ҳамагонӣ иштирок ва суханронӣ намуданд.

***

Дар ин рӯзи соли 2016 дар  Қасри миллат  Президенти Ҷумҳурии Тоҷикистон муҳтарам Эмомалӣ Раҳмон Директори генералии Ширкати байналмилалии «Гленкор»-и Швейтсария (Glencore International AG) Айван Глазенбергро ба ҳузур пазируфтанд.

20 АПРЕЛ: 

Дар Тоҷикистон -Рӯзи кормандони мақомоти адлия

*** 

Дар Русия- рӯзи миллии донорҳо.

***

Рӯзи забони чинӣ.

РӮЙДОДҲО:

20 апрели соли 2007 дар шаҳри Душанбе бахшида ба 800-солагии Ҷалолуддини Румӣ конференсияи илмӣ доир шуд.

***

Дар ин рўзи соли 2016  дар Китобхонаи миллии Тоҷикистон ба шарафи Рӯзҳои фарҳанги Ҷумҳурии Ҳиндустон дар Ҷумҳурии Тоҷикистон нишасти матбуотӣ бо Вазири фарҳанги Ҷумҳурии Тоҷикистон ва ҳайати расмии Ҳиндустон баргузор гардид.

***

20 апрели соли 2019  дар боғи фарҳангию фароғатии ба номи Абулқосими Фирдавсии шаҳри   Душанбе Амфитеатр ба истифода дода шуд.

ДАР ИН РӮЗ ТАВАЛЛУД ШУДААНД:

Мастон Шералӣ— соли  1935 — шоир, драматург ва тарҷумони тоҷик, узви Иттифоқи нависандагони Тоҷикистон

***

Абдусалом Атобоев -соли 1934 — нависандаи тоҷик, драматург, мутарҷим, журналист, узви Иттифоқи нависандагони Тоҷикистон