ТАҚВИМИ АМИТ «ХОВАР»: имрӯз 3 апрел, душанбе, 93-юмин рӯзи соли 2023 аст

3 апрели соли 2020 Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев суҳбати телефонӣ анҷом доданд.

***

9 сол қабл, дар ин рўзи соли 2014 дар шаҳри Қайроққуми вилояти Суғд Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Директори генералии ширкати Хуаксини Ҷумҳурии Мардумии Чин Ли Е Чинро ба ҳузур пазируфтанд.

***

Дар ин рӯзи соли 2014 дар шаҳри Қайроққум бо иштироки Президенти Ҷумҳурии Тоҷикистон Эмомалӣ Раҳмон Маркази ташхисӣ ва табобатии Закариёи Розӣ ифтитоҳ ёфт.

3 АПРЕЛ:

Рӯзи байналмилалии шабнишинӣ.

***

Рӯзи сирк дар ИМА.

***

Рӯзи модару кӯдак дар Тайван.

 РӮЙДОДҲО:

Дар ин рӯзи соли 2007 бо Қарори Ҳукумати Ҷумҳурии Тоҷикистон Заводи Алюминии тоҷик (ТадАЗ) ба Корхонаи давлатии унитарии  «Корхонаи алюминии тоҷик» тағйири ном кард.

***

3 апрели соли 2019 дар шаҳри Тирмиз ҷаласаи навбатии Комиссияи байниҳукуматии Ҷумҳурии Тоҷикистон ва Ҷумҳурии Узбекистон оид ба ҳамкории тиҷоратию иқтисодӣ баргузор гардид.

***

3 апрели соли 2013 дастаи мунтахаби футболбозони ҷавони Тоҷикистон бо роҳбарии сармураббӣ Раҷаб Расулов дар чаҳорчӯбаи вохӯриҳои интихобии мусобиқоти Осиё дар гурӯҳи «С» дар варзишгоҳи «Дашрат» — и шаҳри Катманду бо дастаи Бутон вохӯрда, бо ҳисоби 15 бар сифр ғалаба карданд.

ДАР ИН РӮЗ ТАВАЛЛУД ШУДААНД:

Темур Собиров- соли 1940- риёзидони тоҷик, доктори илмҳои физика ва математика