ТАТБИҚИ БАРНОМАҲОИ ДАВЛАТӢ. Кумитаи кор бо занон ва оилаи Тоҷикистон машваратҳои омӯзишӣ доир менамояд
ДУШАНБЕ, 13.04.2023 /АМИТ «Ховар»/. 12 апрел дар асоси нақшаи амали «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030» бо иштироки намояндаи Кумитаи кор бо занон ва оилаи назди Ҳукумати Ҷумҳурии Тоҷикистон доир ба дастгирии занон ва амалишавии барномаҳои давлатӣ дар ин самт барои кормандони дастгоҳи марказии Сарраёсати геологияи тоҷик машварати омӯзишӣ доир гардид.
Тавре АМИТ «Ховар» бо истинод ба кумитаи мазкур хабар медиҳад, зимни даври омӯзишӣ масъалаҳои нақш ва мақоми занон дар рушди иқтисоди миллӣ ва татбиқи барномаҳои давлатӣ дар самти кор бо занон ва оила баррасӣ гардид.
Ҳамзамон бо иштироки роҳбарияти Кумита чунин машварати омӯзишӣ барои кормандони дастгоҳи марказӣ ва зерсохторҳои Вазорати молияи Ҷумҳурии Тоҷикистон баргузор шуд.
Дар ҷараёни даври омӯзишӣ дар баробари баррасии масъалаҳои мазкур инчунин ҷиҳати муайян намудани сатҳи забондонии иштирокчиёни он диктанти санҷишӣ бо забонҳои давлатӣ ва русӣ ба роҳ монда шуд.
Ёдовар мешавем, ки Кумитаи кор бо занон ва оилаи назди Ҳукумати Ҷумҳурии Тоҷикистон чанд муддат аст, ки бо мақсади иҷрои нақшаи амали Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030 ҷиҳати баланд бардоштани савияи дониш, маҳорату малакаи мудирият ва таҳлилгарии хизматчиëни давлатӣ, дониши ҳуқуқию сиёсии занону духтарон дар вазорату идораҳо, ташкилот ва мақомоти иҷроияи ҳокимияти давлатӣ машваратҳои омӯзишӣ баргузор менамояд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
