Теъдоди ҳалокшудагони тӯфони «Фредди» дар Малави аз ҳазор нафар гузашт
ДУШАНБЕ, 13.04.2023 /АМИТ «Ховар»/. Теъдоди ҳалокшудагони тӯфони тропикии «Фредди» дар Малави аз 1000 нафар гузашт. Тавре АМИТ Ховар бо истинод ба ТАСС хабар медиҳад, дар ин хусус рӯзи чаҳоршанбе президенти мамлакат Лазарус Чаквера иттилоъ додааст.
«Давлат пас аз тӯфони харобиовар корҳои азнавбарқароркуниро идома дода истодааст»,- иқтибос овардааст суханони ӯро радиостансияи SABC-и Африқои Ҷанубӣ. Президент ишора намуд, ки «Фредди» барои Малави аз тамоми тӯфонҳое, ки давоми ду даҳсолаи охир дар мамлакат ба мушоҳида расид, харобиовартар буд.
Қаблан мақомоти Малави дар бораи ҳалокати 676 нафар ва бедарак шудани 538 тани дигар хабар дода буд.
Тӯфони «Фредди» шаби 13 март Малавиро фаро гирифт. Он ҳамроҳ бо худ бориши шадиде овард, ки бинобар фаромадани ярчҳои сершумор сабаби фурӯ рехтани хонаҳо гардид. Аз ҳама бештар минтақаҳои ҷанубӣ, аз ҷумла пойтахти иқтисодии мамлакат — шаҳри Блантайр зарар дид.
«Фредди» дар уқёнуси Ҳинд- дар шимолу ғарби Австралия ташаккул ёфта, 38 рӯз фаъол монд ва 14 март пароканда шуд. Он тӯлонитарин тӯфоне гардид, ки дар ин қисмати сайёра сабт шудааст. Зиёда аз 8000 километрро тай намуда, «Фредди» Маврикий, Мадагаскар, Малави ва Мозамбикро фаро гирифт.
АКС аз манбаъҳои боз
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
