Тоҷикистон ҳамкории техникӣ ва машваратиро бо Бонки ҷаҳонӣ тақвият медиҳад
ДУШАНБЕ, 17.04.2023 /АМИТ «Ховар»/. Масъалаҳои марбут ба ҳамкории техникӣ ва машваратӣ ҷиҳати идоракунии самараноки захираҳои байналмилалӣ зимни мулоқоти Раиси Бонки миллии Тоҷикистон Ҳоким Холиқзода бо директори хазинадории Бонки ҷаҳонӣ Тереза Кече ва менеҷери барномаи «Шарикии машваратӣ ва идоракунии захираҳо»-и Бонки ҷаҳонӣ Ҷорҷ Бентли дар Вашингтон баррасӣ гардид.
Тавре ба АМИТ «Ховар» дар Бонки миллии Тоҷикистон иттилоъ доданд, мулоқот дар ҳошияи ҷаласаҳои баҳории Хазинаи Байналмилалии Асъор ва Гурӯҳи Бонки ҷаҳонӣ идома ёфта, Раиси Бонки миллии Тоҷикистон аз ҳамкорӣ бо Бонки ҷаҳонӣ дар доираи барномаи «Шарикии машваратӣ ва идоранамоии захираҳо» дар самти расонидани кумакҳои техникӣ ва машваратӣ изҳори қаноатмандӣ намуд.
Гуфта шуд, ки Бонки миллии Тоҷикистон аз соли 2016 узви барномаи «Шарикии машваратӣ ва идоранамоии захираҳо» буда, корҳои назаррасро дар ҳамбастагӣ бо Бонки ҷаҳонӣ дар самти идоракунии самараноки захираҳои байналмилалӣ анҷом дода истодааст. Инчунин Раиси Бонки миллии Тоҷикистон таваҷҷуҳи ҷониби Бонки ҷаҳониро ба идоракунии самараноки захираҳои байналмилалӣ бо назардошти вазъӣ бозори молиявӣ ва номуайянӣ дар сиёсати монетарии давлатҳо ҷалб намуд.
Дар ҷараёни мулоқот мусоҳибон омодагии худро ба ҳамкории техникӣ ва машваратӣ ҷиҳати идоракунии самараноки захираҳои байналмилалӣ тавассути истифодаи фишангҳои нави бозори молиявӣ ва баланд бардоштани дониш ва малакаи тахассусии кормандони Бонки миллии Тоҷикистон тариқи баргузории машварат ва даврҳои омӯзишӣ баён намуданд.
АКС: Бонки миллии Тоҷикистон
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
ҚУРБИ АСЪОР: 1 евро аз 10.4000 то 10.7000 сомонӣ муқаррар шудааст
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
