35-СОЛАГИИ ИСТИҚЛОЛИ ДАВЛАТӢ. Бахшида ба ин ҷашн дар Ҳисор сохтмони бинои бисёрқабатаи истиқоматӣ оғоз ёфт
ДУШАНБЕ, 31.05.2023 /АМИТ «Ховар»/. Дар доираи корҳои бунёдкорию созандагӣ бахшида ба ҷашни 35-солагии Истиқлоли давлатии Ҷумҳурии Тоҷикистон дар кӯчаи Исмоили Сомонии шаҳри Ҳисор сохтмони бинои истиқоматии 16-қабата оғоз гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд.
Дар маросими оғози корҳои сохтмонӣ роҳбарияти шаҳри Ҳисор иштирок намуда, бо лоиҳаи бинои бисёрошёна шинос шуд.
Иттилоъ дода шуд, ки бино аз 168 хонаи истиқоматӣ иборат буда, дар ошёнаи якуму дуюм марказҳои савдою хизматрасонӣ бо назардошти даҳҳо ҷойи кори доимӣ ҷойгир карда мешавад. Ҳар ошёна аз 8 хонаи дуҳуҷрагӣ ва чор якҳуҷрагӣ иборат мебошад.
Иншооти мазкур дар доираи нақшаи чорабиниҳо бахшида ба ҷашни 35-солагии Истиқлоли давлатии Ҷумҳурии Тоҷикистон бунёд ёфта, фармоишгар ва пудратчии асосии иншоот ҶДММ «Муродалӣ» мебошад. Дар корҳои сохтмонӣ беш аз 20 шаҳрванд бо ҷои кор ва маоши хуб таъмин гардидааст.
Бино аз ду даромадгоҳ бо чор лифти доимамалкунанда, ки дар ҳолати набудани барқ низ ба таври худкор (автоматикӣ) фаъол мебошанд, иборат буда, бо истифода аз чоҳи амудии худӣ ба таври шабонарӯзӣ бо об таъмин мегардад. Инчунин истиқоматкунандагони бино метавонанд аз интернети баландсуръати доимӣ бемамониат истифода намоянд. Дар таҳхона ва назди бино барои мошинҳо бунёди истгоҳ ва таваққуфгоҳ дар назар дошта шудааст.
Раиси шаҳр зимни суҳбат бо сохтмончиён иброз дошт, ки иншоот дар кӯчаи асосии шаҳр бунёд меёбад, бинобар ин дар ҷараёни корҳои сохтмонӣ бо истифода аз санъати меъмории миллӣ ба намои зоҳирӣ ва сифати маҳсулоти истифодашаванда таваҷҷуҳи бештар зоҳир намоянд.
Тасмим гирифта шудааст, ки иншооти мазкур соли 2026- дар арафаи таҷлили ҷашни 35-солагии Истиқлоли давлатии Ҷумҳурии Тоҷикистон мавриди баҳрабардорӣ қарор дода шавад.
АКС: Мақомоти иҷроияи ҳокимияти давлатии шаҳри Ҳисор
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат аз намоиши маҳсулоти кишоварзӣ, ҳунарҳои мардумӣ ва таомҳои миллӣ дидан намуданд
Пешвои миллат Эмомалӣ Раҳмон ба татбиқи лоиҳаи барқарорсозии роҳи мошингарди «Ваҳдат – Оби Гарм» оғоз бахшиданд
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
