78 ХИЗМАТРАСОНИИ ДАВЛАТӢ ДАР ШАКЛИ ЭЛЕКТРОНӢ. Дар Кумитаи андози Тоҷикистон маҷлиси тантанавӣ баргузор шуд
ДУШАНБЕ, 04.05.2023 /АМИТ «Ховар»/. Беҳтар намудани маъмурикунонии андоз, рақамикунонии соҳа ва ҳамкории судманд бо мақомоти иҷроияи ҳокимияти давлатӣ имкон дод, ки сарфи назар аз тибқи Кодекси андози Ҷумҳурии Тоҷикистон дар таҳрири нав пасттар гардидани меъёрҳои андозҳои алоҳида иҷрои нишондиҳандаҳои қисми даромади буҷети давлатӣ дар ҷамъбасти соли 2022 ва чор моҳи аввали соли равон барзиёд таъмин карда шавад. Ин матлаб имрӯз зимни маҷлиси тантанавӣ бахшида ба Рӯзи кормандони мақомоти андоз дар Кумитаи андози назди Ҳукумати Ҷумҳурии Тоҷикистон баён гардид.
Системаи андоз ва буҷет механизмҳое ба ҳисоб мераванд, ки тавассути онҳо ниёзмандиҳои иҷтимоию иқтисодии ҷомеа ҳал карда мешавад. Бинобар ин, фаъолияти мақомоти андоз, ки ба таъмин намудани қисми даромади буҷети давлатӣ нигаронида шудааст, аз нигоҳи давлатдорӣ бисёр муҳим ва моҳиятнок арзёбӣ мегардад.
Имрӯзҳо мақомоти андози Ҷумҳурии Тоҷикистон дар марҳилаи нави рушд қарор дорад, ки онро метавон ҳамчун давраи гузашти пурра ба рақамикунонии фаъолияти соҳа изҳор намуд. Мақсад аз мавриди истифода қарор додани технологияҳои муосири иттилоотӣ ва моҳияти он на танҳо дар сатҳи замонавӣ ташкил намудани бақайдгирии андозсупорандагон, баҳисобгирии манбаъҳои андозбандӣ, созмон додани махзанҳои маълумот, балки ҳаддалимкон сода намудани иҷрои уҳдадориҳои андозии андозсупорандагон, бештар ва беҳтар намудани шаклҳои хизматрасонӣ ва корҳои тавзеҳотию фаҳмондадиҳӣ мебошад.
Кумитаи андоз 78 хизматрасонии давлатиро дар шакли электронӣ пешниҳод намудааст, ки аз онҳо андозсупорандагон ва шаҳрвандон самаранок истифода мебаранд. Бо истифода аз чунин хизматрасонӣ кормандони мақомоти андоз метавонанд вазифаҳои хизматӣ ва андозсупорандагон уҳдадории андозии худро шаффоф, фаврӣ, дақиқ ва бидуни сарфи зиёди вақт анҷом диҳанд.
Дар ҷаласа як зумра кормандони соҳа, ки ба нишондиҳандаҳои назарраси меҳнатӣ ноил гардидаанд, бо нишони сарисинагии «Аълочии мақомоти андоз» ва Ифтихорномаи Кумитаи андоз сарфароз гардонида шуда, ба онҳо рутбаҳои ғайринавбатӣ ва навбатии тахассусӣ дода шуд.
АКС: Кумитаи андози назди Ҳукумати Ҷумҳурии Тоҷикистон
Долони мултимодалии «Тоҷикистон-Узбекистон-Туркманистон-Эрон-Туркия+Чин» дар эҳёи Роҳи Бузурги Абрешим ва ҳамгироии иқтисодии минтақавӣ нақши муассир мегузорад
Бонки миллии Тоҷикистон ба «Актив Бонк» барои анҷом додани амалиёти бонкӣ бо пули миллӣ ва асъори хориҷӣ иҷозатнома дод
Бо татбиқи «Лоиҳаи сармоягузорӣ ба бахши обтаъминкунӣ ва беҳдошти Тоҷикистон» 750 ҳазор нафар бо оби нӯшокӣ таъмин мегарданд
Вазири энергетика ва захираҳои об дар чорабинии «Ҳафтаи гузариш ба энергияи «сабз» дар Ҷопон иштирок намуд
Дар Душанбе ҷаласаи Шурои кории Тоҷикистон ва Беларус доир мешавад
Дар хоҷагиҳои деҳқонии ноҳияи Мастчоҳ ҷамъоварии пахта бомаром идома дорад
«ТИЛЛОИ САФЕД». Дар вилояти Хатлон беш аз 93 ҳазор тонна пахта ҷамъоварӣ шуд
Намояндаи Тоҷикистон дар машварати нахустини вазирони кишоварзии Осиёи Марказӣ – Чин иштирок намуд
Дар пойтахт Форуми байналмилалии сармоягузории «Душанбе-инвест 2023» баргузор мешавад
Дар Душанбе Намоишгоҳи байналмилалии «TajBUILD-2023» доир мегардад
Пахтакорони ноҳияи Спитамен тасмим гирифтаанд, ки 14 ҳазору 600 тонна пахта ҷамъоварӣ намоянд
Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд
