«ҶАҲОНДОНӢ АЗ ЗАБОНДОНИСТ» ВА «АХТАРАКОНИ ҲИСОБДОН». Байни тарбиягирандагони муассисаҳои таҳсилоти томактабии Душанбе ду озмуни нав доир мешавад
ДУШАНБЕ, 05.05.2023. /АМИТ «Ховар»/. Байни тарбиятгирандагони муассисаҳои таҳсилоти томактабии шаҳри Душанбе ду озмуни нав ба роҳ монда мешавад. Аз ҷумла, озмунҳои «Ахтаракони ҳисобдон» ва «Ҷаҳондонӣ аз забондонист» бо мақсади ташаккули малакаҳои фаъолияти маърифатӣ, омода намудани кӯдакони синни томактабӣ ба таълим дар зинаи аввали таҳсилоти умумӣ, азхудкунии забонҳои давлатӣ (тоҷикӣ) ва русиву англисӣ ва инкишофёбии зеҳни онҳо баргузор мегарданд. Дар ин хусус ба АМИТ «Ховар» сардори раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.
Тавре дар ҷаласаи мушовараи Сарраёсати маорифи шаҳри Душанбе иттилоъ дода шуд, баргузории озмунҳо соли равон ба нақша гирифта шуда, ҳадафи асосии онҳо амалигардонии «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025», «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» ва «Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф» (2020-2040) мебошад.
Инчунин дар ҷаласа ворид намудани тағйиру иловаҳо ба озмуни «Беҳтарин кабинети методӣ дар муассисаҳои таҳсилоти томактабӣ ва миёнаи умумии шаҳри Душанбе» баррасӣ гардид. Дар он бояд сармураббиён ва мудири кабинети методӣ (муовини директор оид ба таълим), новобаста аз шакли моликият ва тобеият, ки дар муассисаи таълимии мазкур дар вазифаи мудири кабинети методӣ (муовини директор оид ба таълим) на кам аз 3 сол ва зиёда аз он аз рӯи ихтисос фаъолият намуда истодааст, иштирок намояд.
Инчунин дар такмили маҳорати касбӣ ва худомӯзиву худтакмилдиҳии мураббиёну омӯзгорон қонеъ намудани шавқи маърифатӣ, талаботи касбӣ ва такмили ихтисоси кормандони педагогӣ бояд нақши муайян дошта бошад. Ҳамзамон таҷрибаи иштирокчии озмун бояд дар самти муайян дар сатҳи ноҳия паҳн гардида бошад.
АКС: Сарраёсати маорифи шаҳри Душанбе
Донишҷӯёни Академияи идоракунии давлатии Тоҷикистон дар Донишгоҳи Ланҷоуи Чин табодули таҷриба менамоянд
Дар вилояти Суғд шумораи мактабҳо ва хонандагон бештар гардидааст
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
