Ассамблеяи 76-уми умумиҷаҳонии тандурустӣ оғоз гардид
ДУШАНБЕ, 22.05.2023 /АМИТ «Ховар»/. Рӯзи якшанбе Ассамблеяи 76 — уми умумиҷаҳонии тандурустӣ оғоз ёфт. Иҷлосияи имсола ба мавзуи «Наҷоти ҳаёт ва таҳкими саломатӣ барои ҳама» бахшида шудааст. Дар ин хусус АМИТ «Ховар» бо истинод ба агентии «Синхуа» иттилоъ медиҳад.
Вакилони иҷлосия нақши муҳимеро, ки Созмони умумиҷаҳонии тандурустӣ (СУТ) дар ташкили вокуниши ҷаҳонӣ ба ҳолатҳои фавқулода дар соҳаи тандурустӣ мебозад, муҳокима хоҳанд кард. Ассамблея инчунин фаъолияти соли гузашта, дастовард ва мушкилот, самтҳои афзалиятноки кори СУТ дар оянда: фарогирии умумии тандурустӣ, ҳолатҳои фавқулода, таҳкими саломатӣ ва некӯаҳволиро баррасӣ хоҳад кард.
Дабири кулли Созмони Милали Муттаҳид Антониу Гутерриш дар паёми видеоӣ дар маросими ифтитоҳи Ассамблеяи умумиҷаҳонии тандурустӣ ишора намуд, ки аз замони таъсиси Созмони умумиҷаҳонии тандурустӣ 75 сол қабл саломатии инсонҳо ба таври назаррас беҳбудӣ ёфта, давомнокии умр дар ҷаҳон беш аз 50 дарсад афзудааст, фавти кӯдакон 60 фоиз кам шуда, бемории гулафшон барҳам дода шудааст.
Азиза ИКРОМ,
АМИТ «Ховар»
АКС аз манбаъҳои боз
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
