ҶАВОНОН- ДОРОӢ Ё САРВАТИ СТРАТЕГИИ ДАВЛАТ. Дар Донишгоҳи давлатии молия ва иқтисоди Тоҷикистон лаёқатмандонро ҳавасманд намуданд
ДУШАНБЕ, 22.05.2023. /АМИТ «Ховар»/. «Дунё пур аз ҷавонист»-таҳти чунин унвон бахшида ба Рӯзи ҷавонони Тоҷикистон (23 май) дар Донишгоҳи давлатии молия ва иқтисоди Тоҷикистон ҳамоиши сиёсиву фарҳангӣ доир шуд. Дар чорабинӣ ҷавононе, ки давоми як соли охир дар соҳаи илм, инноватсия, сиёсат, фарҳангу иқтисод ва дигар соҳаҳо ба дастовард ноил шудаанд, аз ҷониби роҳбарияти донишгоҳ, Кумитаи кор бо ҷавонон ва варзиш ва Федератсияи иттифоқҳои касаба қадрдонӣ карда шуданд, иттилоъ медиҳад мухбири АМИТ «Ховар».
Дар ҳамоиши мазкур роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Ташкилоти ҷамъиятии «Пайравони Пешвои миллат», Иттифоқҳои касабаи мустақили Тоҷикистон, устодону донишҷӯёни муассисаҳои олии ҳудуди шаҳри Душанбе ва намояндагони вазорату идораҳои мамлакат иштирок намуданд.
Дар оғози ҳамоиш иштирокчиён вобаста ба татбиқи сиёсати давлатии ҷавонон дар давраи истиқлол сухан гуфта, оид ба шароити наве, ки дар ин давра барои пешрафту тақвияти ҷавонон дар мамлакат муҳайё гардидааст, ибрози назар карданд.
Тазаккур дода шуд, ки барои ҷомеаи Тоҷикистон басе хушоянд аст, ки дар мамлакат як рӯзи махсус барои ҷавонон ихтисос дода шудааст, яъне Рӯзи ҷавонони Тоҷикистон, зеро ҷавонон дороӣ ё сарвати стратегии давлат маҳсуб мешаванд.
Ба иттилои расмӣ, дар ҳудуди ҷумҳурӣ шахсони 14-30-сола ҳудудан 30-34 фоизи аҳолии мамлакат ва шахсони то 35-сола қариб 75 фоизи аҳолии ҷумҳуриро ташкил медиҳанд.
Гуфта шуд, ки дар донишгоҳи молия тақрибан 11 ҳазор ҷавон дар зинаҳои гуногуни илм таҳсил менамояд. Танҳо соли 2022-2023 24 ҷавон рисолаи номзадӣ ҳимоя намуд.
Дар миқёси донишгоҳҳои олии мамлакат ягона донишгоҳе, ки дар он намояндагии Ташкилоти ҷамъиятии «Пайравони Пешвои миллат» фаъолият менамояд, донишгоҳи молия маҳсуб мешавад, ки 30 аъзои расмӣ дорад ва оянда аъзои он бештар мегардад.
Инчунин дар донишгоҳ 65 фоизи кадрҳои роҳбарикунандаро ҷавонон ташкил медиҳанд, ки аз таваҷҷуҳу ғамхорӣ нисбат ба ин қишри ҷомеа дарак медиҳад.
АКС: Донишгоҳи молия ва иқтисоди Тоҷикистон
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
