БАХШИДА БА 35-СОЛАГИИ ИСТИҚЛОЛИ ДАВЛАТӢ. Дар иншооти ҷашнии вилояти Суғд корҳои сохтмонӣ бомаром идома доранд
СУҒД, 31.05.2023 /АМИТ «Ховар»/. Раиси вилояти Суғд бо ҷараёни сохтмони иншооти ҷашнӣ бахшида ба 35-солагии Истиқлоли давлатии Ҷумҳурии Тоҷикистон дар шаҳри Хуҷанд шинос гардид, хабар доданд ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд.
Нахуст сохтмони Маркази диллерии «Тойота» ва Маркази савдои фирмавии «Хонаи ман» мавриди таваҷҷуҳ қарор гирифт.
Иттилоъ дода шуд, ки бо иқдоми ҶДММ «Таҷмоторс» Маркази диллерии «Тойота»-и кишвари Ҷопон ташкил гардида, минбаъд мошини ширкати маъруфи «Тойота» ва қисмҳои эҳтиётии он мустақиман дар ин маркази савдо фурӯхта мешавад.
Аз ҷониби ҶДММ «Хонаи ман» бо ширкатҳои кишвари Дания шартномаи ҳамкорӣ баста шуда, минбаъд асбобу техникаи маишии барои хона зарурӣ дар Маркази савдои фирмавии «Хонаи ман» бо нархҳои дастрас фурўхта мешаванд. Маркази савдо аз таҳхона ва ду ошёна иборат буда, дар таҳхона ва ошёнаи якум лавозимоти рӯзгор ва маишӣ фурӯхта мешавад, дар ошёнаи дуюм барои фароғату бозии кӯдакон- фарзандони харидорон «Олами бачагон» ба истифода дода мешавад.
Дар маҳаллаи «Темурмалик»-и шаҳри Хуҷанд бо иқдоми муассисони ҶДММ «Папириус» сохтмони корхонаи коркарди коғаз ва истеҳсоли маҳсулоти полиграфӣ идома дорад. Ҷамъият дар ҳамкорӣ бо ширкатҳои туркӣ ояндаи наздик коргоҳи бузурги коркарди коғаз ва истеҳсоли маҳсулоти полиграфиро ба роҳ мемонад, ки он пурра воридотивазкунанда буда, талаботи рӯзафзуни аҳолиро ба ин намуди маҳсулот то қадри имкон қонеъ менамояд. Ояндаи наздик баъди баистифодадиҳӣ дар корхона намудҳои гуногуни дафтар ва дигар ашёи хониш истеҳсол карда мешавад.
Дар микроноҳияи 27-уми шаҳри Хуҷанд аз ҷониби ширкати ҶДММ «Сохтмони Кабир» корхонаи истеҳсоли конструксияҳои оҳанӣ ҷараён дорад. Иқдоми бунёди чунин корхонаи саноатии воридотивазкунанда аз ҷониби соҳибкор Комил Турдибоев амалӣ шуда, ширкати мазкур ояндаи наздик тамоми иншооти бузурги бо конструксияҳои оҳанӣ сохташавандаро дар дохили мамлакат бо маҳсулот таъмин менамояд. Дар ҷараёни сафари корӣ ҳамзамон бо ҷараёни корҳои сохтмонии Маркази ташхисию табобатии «Садаф», ки дар маҳаллаи «Навбаҳор»-и шаҳри Хуҷанд» бунёд шуда истодааст, шинос шуданд.
Марказ аз ҷониби муассиси ҶДММ «Садаф» Наимҷон Тўраев сохта шуда, ба марказ мутахассисони баландихтисоси соҳа ҷалб карда мешавад.
Дар фарҷоми боздид Раиси вилояти Суғд ба масъулини корҳои сохтмонӣ ҷиҳати анҷом додани корҳо бо сифати баланд ва истифодаи масолеҳи ватанӣ, инчунин батартибдарории ҳудуди иншооти ҷашнӣ ва тақвияти корҳои ободонӣ дастурҳо дод.
АКС: Хадамоти матбуоти Раиси вилояти Суғд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
Дар Истаравшан 28 иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода сохтмони иншооти ҷашнӣ идома дорад
