БАХШИДА БА РӮЗИ ҶАВОНОНИ ТОҶИКИСТОН. Дар Агентии «Тоҷикстандарт» оид ба тарбияи ватандӯстӣ ва таҳкими ҳувияти миллӣ ҳамоиш доир шуд
ДУШАНБЕ, 20.05.2023. /АМИТ «Ховар»/. Дар доираи таҷлили Рӯзи ҷавонони Тоҷикистон (23 май) вобаста ба тарбияи ватандӯстӣ ва таҳкими ҳувияти миллии ҷавонон 18 май дар Агентии «Тоҷикстандарт» бо иштироки намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамоиш доир гардид, хабар доданд ба АМИТ «Ховар» дар агентии мазкур.
Иштирокдорони ҳамоиш оид ба нақши ҷавонон дар замони истиқлол ва саҳми ҷавонони Агентӣ дар пешбурди соҳа изҳори назар намуда, аз ҷумла, таъкид доштанл, ки таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон сабаб гардид, ки тайи солҳои соҳибистиқлолии мамлакат сиёсати давлатии ҷавонон таҳкиму тақвият ёбад ва ҷавонони тоҷик ҳамчун неруи созанда дар пешрафти иқтисодию иҷтимоии Тоҷикистон саҳми арзанда гузоранд.
«Ҳукумати мамлакат ба масъалаҳои ҷавонон, аз ҷумла, беҳдошти вазъи таълиму тарбия, соҳиби ихтисос, касбу ҳунар ва ҷойи кор гардонидани онҳо таваҷҷуҳи махсус зоҳир намуда, баҳри дастгирии ҳамаҷонибаи ҷавонон барномаҳои мушаххас ба тавсиб расонид. Дар натиҷа доираи васеи ҷавонон ба тарзи ҳаёти солим, омӯзиши касбу ҳунар ва илму маърифат фаро гирифта шуд»,-изҳор дошта шуд зимни ҳамоиш.
Тазаккур дода шуд, ки дар Агентии «Тоҷикстандарт» мақсад ва вазифаҳои дар пешгузоштаи Роҳбари давлат ва Ҳукумати Ҷумҳурии Тоҷикистонро хуб дарк намуда, бо назардошти дар пешрафт ва тараққиёти мамлакат саҳм гузоштани ҷавонон онҳо аз ҷониби роҳбарияти Агентӣ пайваста дастгирӣ меёбанд ва ба даврҳои бозомӯзӣ, конференсияҳо ва семинарҳои байналмилалӣ дар дохил ва хориҷи мамлакат ҷалб мегарданд.
Намояндагони Кумитаи кор бо ҷавонон насли ояндасозро даъват карданд, ки ба хотири рушди Ватан ва пешрафту ташаккули он муташаккилона, бо меҳнати софдилона ва азму иродаи қавӣ фаъолият намуда, дар ҷомеа ҳиссаи сазовор гузоранд.
Дар идома як зумра ҷавонони фаъоли Агентӣ бо ифтихорномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон қадрдонӣ карда шуд.
Инчунин дар фарҷоми ҷамъомад бо мақсади тақвият додани тарбияи ватандӯстӣ ва таҳкими ҳувияти миллии ҷавонон ба ҳозирин оид ба муҳтаво ва талаботи Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» тариқи рӯнамо маълумот дода шуд.
АКС: Агентии «Тоҷикстандарт»
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
