Бар асари обхезӣ дар Сомали 219 ҳазор нафар манзилашро тарк намуд
ДУШАНБЕ, 18.05.2023 /АМИТ «Ховар»/. Дар Сомали аз сабаби обхезиҳое, ки пас аз боронҳои шадид ба амал омад, 219 ҳазор нафар сокини шаҳри Беледуэйне ва минтақаҳои наздики он манзилашро тарк кард. Дар ин хусус АБИ «Казинформ» бо истинод ба «Анадолу» иттилоъ медиҳад.
Тавре дар Раёсати СММ оид ба ҳамоҳангсозии масъалаҳои башардӯстона иттилоъ доданд, обхезиҳо дар минтақаҳои марказии Сомали ба ҳаёти 460 ҳазор нафар таъсири манфӣ расонидааст.
Иншооти инфрасохторӣ, аз ҷумла беморхонаҳо ва биноҳои муассисаҳои ҳукуматӣ зери об мондааст.
Дар ҳамин ҳол, Агентӣ оид ба бартарафсозии пайомадҳои офатҳои табиии Сомали дар бораи дар минтақаи офати табиӣ ҳалок шудани панҷ нафар, аз ҷумла се кӯдак хабар додааст.
Дар Эфиопияи ҳамсоя бинобар обхезӣ бар асари бориши шадид, ки аз 12 май идома дорад, 45 нафар ба ҳалокат расидааст.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
