Бар асари сӯхтор дар Испания 500 нафар ба ҷойи бехавф кӯчонида шуд
ДУШАНБЕ, 22.05.2023 /АМИТ «Ховар»/. Тақрибан 500 нафар бар асари сӯхтори ҷангал, ки то кунун 8500 гектар заминро дар минтақаи Экстремадура дар ҷанубу ғарби Испания фаро гирифтааст, аз хона кӯчонида шуд. Тавре АМИТ «Ховар» бо истинод ба агентии «Синхуа» иттилоъ медиҳад, дар ин хусус рӯзи шанбе манбаъҳои мақомоти маҳаллӣ хабар додаанд.
Дар айни замон 250 қисми оташнишинонии минтақавӣ ва 165 тан аз аъзои воҳиди вокуниш ба ҳолатҳои фавқулодаи неруҳои мусаллаҳи Испания бо кумаки 10 булдозер, 6 ҳавопаймо, ҳашт чархбол ва 23 мошин бо оташ мубориза бурда истодаанд.
Сӯхтор шоми чоршанбе дар минтақаи Лас-Урдес дар Экстремадура ба амал омад. Моҳи июли соли 2022 дар ин ҷо сӯхтори ҷангал дар натиҷаи шамоли сахт ва хушксолӣ аз назорат берун шуда, 5000 гектарро хароб кард.
Азиза ИКРОМ,
АМИТ «Ховар»
АКС: «Синхуа»
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
