Бар асари тарма дар шимоли Покистон 10 нафар ҳалок ва 10 тани дигар маҷруҳ шуд

Май 29, 2023 10:02

ДУШАНБЕ, 29.05.2023 /АМИТ «Ховар»/. Дар натиҷаи фаромадани тарма ба корвони кӯчманчиён, ки рӯзи шанбе дар минтақаи Гилгит — Балтистони шимоли Покистон ба амал омад, даҳ нафар ҳалок ва даҳ тани дигар захмӣ шуд. Ин иттилоъро котиби асосии минтақа Моҳюддин Аҳмад Ванӣ тасдиқ кард. Дар ин хусус АМИТ «Ховар» бо истинод ба агентии «Синхуа» хабар медиҳад.

Ба гуфтаи М.А. Ванӣ, дар зери хароба тақрибан даҳҳо нафар қарор доранд, гурӯҳҳои наҷотдиҳандагон сарфи назар аз ҳавои бад ва сифати пасти инфрасохтори роҳ дар ноҳияи дурдасти минтақаи Астор, ки дар он ҷо ҳодиса рух додааст, кӯшиш мекунанд онҳоро пайдо кунанд.

Тавре ки мансабдор ишора кард, кӯчманчиён ҳамроҳ бо чорвои худ ба Астор аз қисми зери назорати Покистонбудаи Кашмир барои ҷустуҷӯи чарогоҳ омада будаанд.

М. А. Ванӣ илова намуд, ки ҳар сол аз моҳи май то июн ҳазорҳо кӯчманчиён аз ҷойҳои гуногун ба Астор меоянд, зеро ҳаво дар ин ҷо мусоид буда, метавонед ҳам барои чорво хӯроки кофӣ пайдо кунед ва ҳам пеш аз мавсими барф дар моҳи октябр баргардед.

Мувофиқи гуфтаи М. А. Ванӣ, ҷабрдидагон, аз ҷумла занону кӯдакон ба бемористони ҳамсоя интиқол дода шуданд, ки ҳолати бархе аз онҳо вазнин мебошад.

Мансабдор афзуд, ки бориши боронҳои шадиди се рӯзи охир дар ин минтақа сабаби фаромадани тарма гардидааст.

Сарвазири минтақаи Гилгит — Балтистон Халид Хуршедхон дар изҳороти худ бинобар фоҷиа изҳори андӯҳ намуда, ба гурӯҳҳо дастур дод, ки амалиёти наҷотро суръат бахшанд.

Азиза ИКРОМ,
АМИТ «Ховар»

АКС аз манбаъҳои боз

Май 29, 2023 10:02

Хабарҳои дигари ин бахш

Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид