Дар деҳаи Заркамари шаҳри Турсунзода аз ҷониби Хоҷагии деҳқонии «Боғи Сомон» кӯдакистон сохта мешавад
ТУРСУНЗОДА, 11.05.2023 /АМИТ «Ховар»/. 10 май аз ҷониби роҳбарияти Хоҷагии деҳқонии «Боғи Сомон» дар деҳаи Заркамари Ҷамоати деҳоти ба номи Ҷӯра Раҳмонови шаҳри Турсунзода барои 300 кӯдак сохтмони муассисаи таҳсилоти томактабӣ оғоз гардид. Дар ин хусус ба хабарнигори минтақавии АМИТ «Ховар Субҳониддини Маҳмуд дар Мақомоти иҷроияи ҳокимияти давлатии шаҳри Турсунзода иттилоъ доданд.
Кӯдакистони мазкур дар доираи дастуру супоришҳои Президенти Тоҷикистон муҳтарам Эмомалӣ Раҳмон, ки 3 октябри соли 2022 зимни сафари корӣ ба шаҳри Турсунзода барои бунёди муассисаи томактабии замонавӣ дар Ҷамоати деҳоти ба номи Ҷӯра Раҳмонов дода буданд, сохта мешавад.
Тибқи лоиҳаи сохтмонӣ, муассисаи мазкур аз ду ошёна иборат буда, мувофиқи талаботи меъмории муосир бунёд мегардад. Дар дохили он ошхона, толори фарҳангӣ, утоқҳои алоҳидаи таълиму тарбия ва дар саҳни он майдончаи варзишӣ бунёд карда мешавад.
Ёдавар мешавем, ки ба ифтихори ҷашни 35-солагии Истиқлоли давлатӣ соли 2023 дар шаҳри Турсунзода дар заминаи 29 муассисаи таълимӣ 270 синфхонаи иловагӣ барои 6440 хонанда ва 6 кӯдакистон барои 594 кӯдак мавриди баҳрабардорӣ қарор мегирад.
АКС: Мақомоти иҷроияи ҳокимияти давлатии шаҳри Турсунзода
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
ҶОИЗАИ БАЙНАЛМИЛАЛИИ АБУАЛӢ ИБНИ СИНО. Нобиғае, ки аз замони худ садсолаҳо пештар меандешид
Ширкати «IRS»: «Ҳаракати нақлиёт дар роҳи Душанбе – Чаноқ таъмин аст»
ШАРБАТИ САЛОМАТӢ. Олимони тоҷик истеъмоли онро барои пешгирии бемориҳои камхунӣ, ҷоғар ва диабет тавсия медиҳанд
СИРИШТИ СИНОИИ ПЕШВОИ МИЛЛАТ. Дар ҳошияи таъсиси Ҷоизаи байналмилалии Абуалӣ ибни Сино дар соҳаи тиб
«ТОБИСТОН-2026». Дар Суғд барои шавқовар баргузор намудани истироҳати тобистонаи кӯдакон ва наврасон тадбир меандешанд
РӮЗИ БАЙНАЛМИЛАЛИИ ҲИФЗИ КӮДАКОН. Падару модар дар таълиму тарбияи кӯдак чӣ уҳдадорӣ ва ҳуқуқ доранд?
Дар Душанбе ғолибони Фестивали ҷумҳуриявии «Малакаҳои касбӣ» қадрдонӣ гардиданд
Дар даври ниҳоии Фестивали ҷумҳуриявии «Малакаҳои касбӣ» 370 хонандаю донишҷӯ иштирок менамоянд
«Барномаи пешгирӣ ва назорати диабети қанд дар Ҷумҳурии Тоҷикистон барои солҳои 2026-2030». Барои пешгирӣ аз ин беморӣ чӣ бояд кард?
РАҚАМИКУНОНИИ СОҲАИ ХИЗМАТИ ДАВЛАТӢ. Кормандони соҳаи хизмати давлатӣ дар Беларус такмили таҷриба менамоянд
