Дар доираи лоиҳаи «Дастгирии ислоҳоти низоми бақайдгирии асноди ҳолати шаҳрвандӣ дар Тоҷикистон» ба Вазорати адлия 4 микроавтобус супорида шуд
ДУШАНБЕ, 16.05.2023 /АМИТ «Ховар»/. Дар «Қасри бахт»-и шаҳри Душанбе бо иштироки намояндагони Вазорати адлияи Ҷумҳурии Тоҷикистон, намояндагии Барномаи рушди Созмони Милали Муттаҳид дар Тоҷикистон, Агентии Швейтсария оид ба рушд ва ҳамкорӣ ва Иттиҳоди Аврупо маросими расмии супоридани таҷҳизоти техникӣ ва воситаҳои нақлиёт ба Вазорати адлия баргузор гардид, хабар медиҳад АМИТ «Ховар».
Аз ҷониби шарикони рушд 178 компютери моноблок, 174 сканер, 174 принтер, 174 манбаи қувваи барқ (UPS), 58 принтери бисёрвазифавӣ ва 4 микроавтобуси тамғаи «Toyota Hiace» ба маблағи умумии 721 146 доллари ИМА супорида шуд.
Бояд гуфт, ки аз моҳи майи соли 2016 Вазорати адлия якҷо бо Барномаи рушди Созмони Милали Муттаҳид дар Тоҷикистон ва маблағгузории Агентии Швейтсария оид ба рушд ва ҳамкорӣ лоиҳаи «Дастгирии ислоҳоти низоми бақайдгирии асноди ҳолати шаҳрвандӣ дар Тоҷикистон»-ро татбиқ карда истодааст, ки дар айни замон марҳилаи дуюми он амалӣ шуда истодааст.
Аз ибтидои соли 2023 лоиҳаи «Такмили дастрасӣ ба хизматрасонии давлатӣ тариқи ислоҳоти сабти асноди ҳолати шаҳрвандӣ» оғоз шуд, ки то соли 2026 идома хоҳад ёфт.
Ҳадафи лоиҳаи мазкур- ин ноил шудан ба ҳадафи 16.9 Ҳадафҳои рушди устувор — мусоидат ба ҳифзи беҳтаргардонии ҳуқуқҳои мардон, занон ва кӯдакон (аз ҷумла, ҳуқуқҳои гражданӣ, иҷтимоӣ, сиёсӣ ва иқтисодӣ) тавассути таҳкими низоми сабти асноди ҳолати шаҳрвандӣ ва васеъгардонии дастрасии ҷомеа ба хизматрасониҳое, ки аз ҷониби низоми сабти асноди ҳолати шаҳрвандӣ пешниҳод карда мешаванд, мебошад.
Барои расидан ба ин ҳадаф чорабиниҳои такмили қонунгузории соҳаи сабти асноди ҳолати шаҳрвандӣ, ташкили махзани ягонаи марказонидашудаи ҳуҷҷатҳои сабти асноди ҳолати шаҳрвандӣ, рақамикунонии тамоми ҳуҷҷатҳои сабт, ки тибқи қонунгузорӣ бояд ба муҳлати 75 сол дар бойгонӣ нигоҳ дошта шаванд, инчунин баланд бардоштани иқтидори низоми сабти асноди шаҳрвандӣ ва дастгирии техникӣ ба нақша гирифта шудааст.
АКС: Вазорати адлияи Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
