Дар Донишгоҳи миллии Тоҷикистон бори аввал аз фанни химия интернет-олимпиадаи онлайнӣ ба роҳ монда шуд
ДУШАНБЕ, 23.05.2023 /АМИТ «Ховар»/. Имрӯз дар Донишгоҳи миллии Тоҷикистон бори аввал интернет-олимпиадаи байналмилалӣ аз фанни химия ба роҳ монда шуд, хабар медиҳад АМИТ «Ховар» бо истинод ба Донишгоҳи мазкур.
Зимни баргузории олимпиада ректори донишгоҳ Қобилҷон Хушвахтзода иброз намуд, ки «рӯ овардан ба илмомӯзӣ, хусусан ба илмҳои табиӣ ва риёзӣ худ қадами боэътимод барои рушди устувори иқтисодии ҳар давлат ва таъмини рақобатпазирии он дар арсаи ҷаҳон мебошад. Зеро дар марҳилаи нави рушд нақши илм ва тафаккури илмӣ дар ҳалли ҳар гуна масъалаҳои иқтисодӣ-иҷтимоӣ ва бунёдӣ хеле муҳим мебошад».
Иброз гардид, ки раёсати Донишгоҳи миллии Тоҷикистон ҳамаи дастовард ва муваффақияти факултети химияи донишгоҳро ба инобат гирифта, бо мақсади рушди тафаккури химиявӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи навоварӣ, пайвасти илм бо амалия, ҷалби бештари донишҷӯён ба омӯзиши фанни химия, ҳамчунин дарёфт ва муаррифии истеъдодҳои нав дар ин самт бори аввал интернет-олимпиадаи онлайниро аз фанни химия ба роҳ монд.
Ёдовар мешавем, ки кори интернет-олимпиадаи байналмилалӣ аз фанни химия пагоҳ низ идома меёбад.
АКС: Донишгоҳи миллии Тоҷикистон
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
