Дар Душанбе дар мавзуи шарикии стратегӣ ва иттифоқии Тоҷикистон ва Русия ҳамоиш доир шуд

Май 18, 2023 17:00

ДУШАНБЕ, 18.05.2023. /АМИТ «Ховар»/. Имрӯз дар Академияи идоракунии давлатии назди Президенти Ҷумҳурии Тоҷикистон  дар мавзуи «Тоҷикистон — Русия: аз Шартномаи дӯстӣ, ҳамкорӣ ва кумаки мутақобила то шарикии стратегӣ ва иттифоқӣ. Масири роҳи бузург» ҳамоиш доир карда шуд, иттилоъ медиҳад мухбири АМИТ «Ховар».

Дар ҳамоиш намояндаи Вазорати корҳои хориҷии Ҷумҳурии Тоҷикистон, Сафири Фавқулода ва Мухтори Федератсияи Русия дар Ҷумҳурии Тоҷикистон, ректори Академияи идоракунии давлатии назди Президенти Ҷумҳурии Тоҷикистон, ректори Донишгоҳи (славянии) Русия ва Тоҷикистон ва дигар меҳмонон иштирок карданд.

Пеш аз оғози ҳамоиш иштирокчиён аз намоишгоҳи аксҳо, ки бозгӯкунандаи оғози ҳамкории ду давлат ва нишондиҳандаи  ташаккули рушди муносибатҳои дипломатии Тоҷикистон ва Русия мебошад, дидан намуданд.

Иштирокчиёни ҳамоиш оид ба таҳаввули рушди муносибатҳои Тоҷикистон ва Русия, ки намунаи равшани муносибатҳои ҳақиқии иттифоқӣ дар асоси принсипҳои дӯстии самимӣ ва устувор, дастгирӣ ва ёрии ҳамдигарӣ мебошанд, мубодилаи ҳамаҷонибаи афкор намуданд.

Гуфта шуд, ки рушди ҳамкории Тоҷикистон бо Русия дар афзалияти сиёсати хориҷии Тоҷикистон боқӣ мемонад ва имрӯз ҳамкорӣ дар тамоми соҳаҳои ҳаёт ва самтҳои афзалиятнок дар сатҳи баланд ба роҳ монда шудааст. Татбиқи лоиҳаҳои зиёди муштарак ва афзоиши  гардиши бор байни ду давлат шаҳодати ин аст.

Иштирокчиёни ҳамоиш иброз доштанд, ки байни ҳар ду давлат дар соҳаҳои сиёсӣ, тиҷоративу иқтисодӣ ва гуманитарӣ ҳамкории судманд ба роҳ монда шудааст.

«Ин ҳамкорӣ асосан аз принсипҳо ва уҳдадориҳои Шартномаи дӯстӣ, ҳамкорӣ ва кумаки мутақобилаи Русияву Тоҷикистон ва дигар ҳуҷҷатҳои дуҷониба сарчашма мегирад», — гуфта шуд дар ҳамоиш.

Зарангези ЛАТИФ,
АМИТ «Ховар»

АКС: АМИТ «Ховар»

Май 18, 2023 17:00

Хабарҳои дигари ин бахш

Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод