Дар Душанбе дурнамои иқтисодӣ ва тадбирҳои андешидаи Бонки миллии Тоҷикистон бо ҳайати Хазинаи Байналмилалии Асъор баррасӣ гардид
ДУШАНБЕ, 11.05.2023 /АМИТ «Ховар»/. Нишондиҳандаҳои макроиқтисодӣ дар се моҳи аввали соли равон дар Тоҷикистон мусбат ҷамъбаст гардид. Ин нуктаро имрӯз Раиси Бонки миллии Тоҷикистон Ҳоким Холиқзода дар мулоқот бо ҳайати Хазинаи Байналмилалии Асъор /ХБА/ оид ба Ҷумҳурии Тоҷикистон таҳти роҳбарии Мэтю Гартнер иброз намуд.
Дар Бонки миллии Тоҷикистон ба АМИТ «Ховар» иттилоъ доданд, ки ҳайати Хазинаи Байналмилалии Асъор дар доираи баррасии фишанги ҳамоҳангсозии сиёсат (Policy Consultation Instrument-PCI) бо сафари корӣ ба Ҷумҳурии Тоҷикистон ташриф овардааст.
Раиси Бонки миллии Тоҷикистон ҳайати Хазинаро бо вазъи феълии макроиқтисодии Тоҷикистон ва низоми бонкӣ шинос намуд.
Роҳбари ҳайати Хазинаи Байналмилалии Асъор оид ба Ҷумҳурии Тоҷикистон Мэтю Гартнер иброз дошт, ки барои ноил шудан ба мақсади гузошташуда омода аст бо масъулини Бонки миллии Тоҷикистон музокиротро идома диҳад.
Ҷонибҳо дар ҷараёни мулоқот дурнамои иқтисодӣ ва тадбирҳои андешидаи Бонки миллии Тоҷикистон, захираҳои байналмилалӣ ва таъсири он ба амалиёти сиёсати пулию қарзӣ ва тавозуни пардохт, тағйирот дар бозори асъор, таваррум, интиқоли маблағҳо ва иҷрои тавсияҳои ҳайати Хазинаи Байналмилалии Асъор оид ба танзими асъор ҷиҳати беҳтар намудани фаъолияти бозорҳои асъорро баррасӣ намуданд.
Таъкид шуд, ки PCI фишанги ғайримолиявӣ буда, имконияти он барои ҳамаи аъзои Хазинаи Байналмилалии Асъор дастрас мебошад ва дар доираи он ба кишварҳои аъзо кумаки машваратӣ пешниҳод карда мешавад. Илова бар ин, ширкат дар фишанги гуфташуда имкон медиҳад, ки ҳамчун замина барои баргузор намудани гуфтушунид бо Хазинаи Байналмилалии Асъор истифода бурда шавад.
Барномаи мазкур барои беҳтар сохтани фазои сармоягузорӣ муҳим буда, иштироки Тоҷикистон дар барнома ба баланд бардоштани ҷолибияти иқтисоди мамлакат барои сармоягузорон мусоидат хоҳад кард.
АКС: Бонки миллии Тоҷикистон
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
ҚУРБИ АСЪОР: 1 рубли русӣ аз 0.1000 то 0.1097 сомонӣ муқаррар шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
