Дар Душанбе оид ба масъалаҳои ҳифзи сирри давлатӣ ва ҳифзи техникии иттилоот дар низоми хизмати давлатӣ ҳамоиш доир шуд
ДУШАНБЕ, 06.05.2023 /АМИТ «Ховар»/. 4 май дар Душанбе бахшида ба Рӯзи кормандони соҳаи ҳифзи сирри давлатӣ, ки ба 6 май рост меояд, дар мавзуи «Масъалаҳои ҳифзи сирри давлатӣ ва ҳифзи техникии иттилоот дар низоми хизмати давлатӣ: мушкилот ва роҳҳои ҳалли он» бо даъвати мутахассисони соҳа ҳамоиш баргузор шуд, хабар медиҳад АМИТ «Ховар».
Ҳамоиш бо ташаббуси Саридораи ҳифзи сирри давлатии назди Ҳукумати Ҷумҳурии Тоҷикистон ва Агентии хизмати давлатии назди Президенти Ҷумҳурии Тоҷикистон ташкил карда шуд. Иброз гардид, ки имрӯз тамоми ҷанбаҳои фаъолияти хизматчиёни давлатӣ тибқи санадҳои меъёрии ҳуқуқии соҳавӣ пурра танзим гардидааст. Инчунин масъалаи паҳни иттилооти хизматӣ, маълумоти дорои хусусияти сирри давлатӣ ва сирри дигари бо қонун ҳифзшаванда дар асоси Кодекси одоби хизматчии давлатии Ҷумҳурии Тоҷикистон манъ карда шуда, риояи бечунучарои талаботи меъёрии Кодекси мазкур ҷузъи асосии матни савганди ҳар хизматчии давлатӣ мебошад.
Дар шароити имрӯзаи ҷаҳонишавӣ, рушди бемайлони илму техника ва технологияи муосир татбиқи ҳукумати электронӣ дар мақомоти давлатӣ ва мақомоти худидоракунии шаҳрак ва деҳот омода намудани кадрҳои хизмати давлатӣ дар қисмати пеш бурдани фаъолият бо истифодаи маълумоти дорои сирри давлатӣ ва ҳифзи техникии иттилоот, ки дар таъмин ва пойдории амнияти миллӣ нақши калидӣ дорад, яке аз масъалаҳои муҳим мебошад.
Он аз масъулини мақомоти босалоҳияти соҳаи хизмати давлатӣ ва сирри давлатӣ таваҷҷуҳ ва масъулияти баланд талаб менамояд.
Дар ҷамъбасти ҷамъомад барои ҳамкории мутақобилан судманд Саридораи ҳифзи сирри давлатӣ бо Ифтихорнома сарфароз гардонида шуда, инчунин роҳбарият ва масъули низоми махфии Агентии хизмати давлатӣ аз ҷониби Саридораи ҳифзи сирри давлатӣ бо мукофотҳои соҳавӣ қадршиносӣ гардиданд.
Мавриди тазаккур аст, ки аз соли 2022 дар асоси ворид намудани илова ба Қонуни Ҷумҳурии Тоҷикистон «Дар бораи рӯзҳои ид» тибқи моддаи 2-и Қонуни Ҷумҳурии Тоҷикистон «Дар бораи рӯзҳои ид», сархати бисту чорум 6 май Рӯзи кормандони соҳаи ҳифзи сирри давлатӣ муайян карда шудааст.
Муайян ва таҷлил намудани Рӯзи кормандони соҳаи ҳифзи сирри давлатӣ имконият фароҳам меорад, то даҳҳо ҳазор корманди соҳаҳои гуногун, ки бевосита бо маълумоти дорои сирри давлатӣ сару кор доранд, масъалаҳои мубрами соҳаи мазкурро баррасӣ ва ҳал намоянд.
АКС: Агентии хизмати давлатии назди Президенти Ҷумҳурии Тоҷикистон
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
