Дар ноҳияи Рашт 300 кг тухми чормағз ва 22 ҳазор тут шинонида шуд
РАШТ, 21.05.2023 /АМИТ «Ховар»/. Дар асоси Барномаи рушди соҳаи ҷангал ва дастгирии шарикони рушд то имрӯз дар кӯҳҳои болои шаҳраки Ғарм ва шаҳраки Навободи ноҳияи Рашт аз ниҳолҳои қарағоч, ақоқиё, чормағз ва дарахтони мевадиҳанда 40,93 гектар ҷангал бунёд намуда, 45 гектар ҷангалро барқарор кардем, ки ҳоло сабзишу нашъунамои онҳо хуб мебошад. Дар ин хусус ба хабарнигори минтақавии АМИТ «Ховар» Субҳониддини Маҳмуд директори Муассисаи давлатии хоҷагии ҷангали ноҳияи Рашт Абдулазиз Қаландаров иттилоъ дод.
Дар ниҳолхонаи Хоҷагии ҷангали ноҳияи Рашт 13 ҳазор бех ниҳол мавҷуд аст, ки аз онҳо ҷангал бунёду барқарор карда мешавад. Ҳамчунин дар ин ниҳолхона 300 кг тухми чормағзи навъи «аъло»-ро зери қум намуда, онҳоро сабзонида ва дар минтақаҳои «Шингилич» ва «Навобод»- ноҳия шинониданд. Дар оянда дар ин мавзеъҳо боғҳои чормағзи аълосифат ташкил мегардад.
Тибқи иттилои сардори шуъбаи ҳифзи муҳити зисти ноҳияи Рашт, соли 2023 дар ҷамоатҳои шаҳраку деҳоти ноҳия 23 ҳазору 235 ниҳоли ороишӣ, ҳамешасабз ва мевадиҳандаю сояафкан шинонида шуд. Ҳамчунин ҷиҳати рушди соҳаи кирмакпарварӣ дар заминҳои хоҷагиҳои деҳқонию ҷамоавӣ 22 ҳазор бех ниҳоли тут шинонида шудааст, ки дар оянда ба рушди соҳаи кирмакпарварӣ таъсири хуб мерасонад.
АКС: Мақомоти иҷроияи ҳокимияти давлатии ноҳияи Рашт
Хоҷагидорони ноҳияи Вахш аз як замин чанд ҳосил ба даст меоранд
РӮЗИ ҶАҲОНИИ БЕХАТАРИИ ОЗУҚАВОРӢ. 37 нуқтаи назорати давлатии бехатарии озуқаворӣ дар гузаргоҳҳои сарҳади давлатии Тоҷикистон фаъолият доранд
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
Бо иштироки муовини Сарвазири Тоҷикистон дар Рашт оид ба истифодаи ғайриқонунии неруи барқ ҷаласаи гурӯҳи корӣ баргузор шуд
Масъалаи таъсиси парки муштараки саноатии Тоҷикистону Эрон баррасӣ карда шуд
Сардори Хадамоти алоқаи Тоҷикистон дар ҷаласаи роҳбарони мақомоти алоқаи кишварҳои ИДМ иштирок намуд
Тоҷикистон ва Беларус ҳамкории зиддикоррупсиониро тақвият мебахшанд
Дастовардҳои Тоҷикистон дар соҳаи ҳифзи муҳити зист ва иқлим дар «Eco Expo Central Asia 2026» муаррифӣ гардид
Ҳайати Тоҷикистон дар иҷлосияи вазирони саноати давлатҳои аъзои СҲШ иштирок намуд
