Дар Ню-Йорк ҳамбастагии рӯзномаи ҷаҳонии об ва коҳиши хатари офатҳои табиӣ баррасӣ карда шуд
ДУШАНБЕ, 23.05.2023 /АМИТ «Ховар»/. Масъалаҳои муваффақона доир намудани Конфронси оби Созмони Милали Муттаҳид /СММ/, ҳамбастагии рӯзномаи ҷаҳонии об ва офатҳои табиӣ дар вохӯриҳои дуҷонибаи раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Директори Дафтари СММ оид ба кам кардани хавфи офатҳо (UNDRR) Паола Албрито, роҳбари Дафтари минтақавии UNDRR барои Аврупо ва Осиёи Марказӣ Октавиан Бивол ва роҳбари Департаменти робитаҳои байналмилалии Барномаи СММ оид ба ҳифзи муҳити зист Ҷамил Аҳмад дар Ню- Йорк баррасӣ гардид.
Ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд, ки вохӯриҳо дар ҳошияи иҷлосияи сатҳи баланд оид ба бозбинии миёнамуҳлати чаҳорчӯби Сендай марбут ба коҳиши хатари офатҳои табиӣ доир гардид.
Дар вохӯриҳо ҷонибҳо масъалаҳои ҳамбастагии рӯзномаи ҷаҳонии об ва офатҳои табиӣ, аҳамияти татбиқи ҳадафу вазифаҳои чаҳорчӯби Сендай оид ба кохиши хатарҳои офатҳои табииро муҳокима карда, тақвияти ҳамкории дуҷонибаро таъкид намуданд.
Инчунин раиси Кумита дар доираи иҷлосияи чаҳорчӯби Сендай дар чорабинии канорӣ зери унвони «Тақвияти устуворӣ ва коҳиши хавфи офатҳои табиӣ дар кишварҳои рӯ ба тараққии маҳсур дар хушкӣ (LLDCs)», ки аз ҷониби UNDRR, Дафтари СММ оид ба давлатҳои рушднамудаи маҳсур дар хушкӣ, кишварҳои дар ҳоли рушд ва давлатҳои хурди ҷазиравӣ (UN-OHRLLC) ва Намояндагии доимии Ботсвана ҳамчун раиси Гурӯҳи LLDCs танзим шудааст, иштирок ва суханронӣ намуд.
Баҳодур Шерализода оид ба таъсири чолишҳои ҷаҳонӣ, хусусан тағйирёбии иқлим ва хатари офатҳои табиӣ ба кишварҳои LLDCs ва зарурати андешидани тадбирҳои мушаххас барои беҳтар намудани ин ҳолат ибрози назар намуд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
