Дар Сербия ба хотири ҳалокшудагони тирпаронӣ дар мактаб мотами серӯза эълон карда шуд
ДУШАНБЕ, 04.05.2023 /АМИТ «Ховар»/. Ҳукумати Сербия баъди ҳодисаи фоҷиавӣ, ки дар яке аз мактабҳои ибтидоии шаҳри Белград ба амал омад, мотами серӯза эълон кард. Дар ин хусус АМИТ «Ховар» бо истинод ба агентии «Синхуа» иттилоъ медиҳад.
Аз 5 то 7 май дар мамлакат ба хотири ҳалокшудагон дар натиҷаи фоҷиа мотам эълон карда мешавад.
Ёдовар мешавем, ки рӯзи чоршанбе, соати 08:40 муовини директори мактаб Иванка Йованович ба идораи полис занг зада, хабар дод, ки ба мактаб як наврас бо силоҳи оташфишон даромада, тирпаронии бетартибонаро оғоз кард. Ба ҷойи ҳодиса ба таври оҷилӣ полис равон карда шуд.
Ҷинояткор низ полис даъват карда, хабар дод, ки якчанд нафарро дар мактаби ибтидоии Владислав Рибникара парондааст.
Вақте полис ба ҷойи ҳодиса расида омад, маълум гардид, ки навраси дар боло гуфташуда силоҳи оташфишонро истифода кардааст. 8 талаба– 7 духтарак ва як писар кушта шудааст. Ҳамчунин як посбон ҳалок гардидааст. Боз чор писар, ду духтарак ва муаллими фанни таърих захм бардоштаанд.
Худи ҳамон рӯз падари навраси ҷинояткор дастгир карда шуд, зеро соҳиби қонунии силоҳ маҳсуб мешавад.
6 кӯдак ва як муаллими мактаб дар муассисаҳои тиббии Белград ба табобат фаро гирифта шудааст.
Азиза ИКРОМ,
АМИТ «Ховар»
АКС аз манбаъҳои боз
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
