Деҳқонони Тоҷикобод дар мавсими кишти баҳорӣ дар 2106 гектар картошка кишт мекунанд
ТОҶИКОБОД, 17.05.2023./АМИТ«Ховар»/. Дар ин рӯзҳо дар ноҳияи Тоҷикобод кишти картошка бомаром идома дошта, дар хоҷагиҳои деҳқонӣ 522 гектар картошка, 1102 гектар ғаладонагии тирамоҳию баҳорӣ, 68 гектар зироати техникӣ, 113 гектар сабзавот кишт шудааст. Инчунин 18 гектар боғи нав бунёд гардида, 5 гектар боғи кӯҳна барқарор карда шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд сармутахассиси шуъбаи кишоварзии ноҳияи Тоҷикобод Беҳруз Маҳмадов иттилоъ дод.
Дар ноҳия баҳри иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки зимни суҳбати телефонӣ бо раисони ноҳияҳои Рашт, Тоҷикобод, Нуробод, Сангвор, Лахш ва Файзобод 4 апрели соли 2023 доир ба истифодаи оқилона ва самараноки заминҳои корами обӣ, наздиҳавлигию хоҷагиҳои деҳқонӣ, вусъат додани кишти зироати кишоварзӣ ва истеҳсоли ҳарчи бештари маҳсулоти кишоварзӣ дода буданд, тадбирҳои амалӣ андешида мешавад.
Мувофиқи дурнамо, дар мавсими кишти соли 2023 дар 950 гектар замини хоҷагиҳои деҳқонӣ ва коллективӣ картошка кишт карда мешавад. Ҳамчунин дар 1156 гектар замини наздиҳавлигӣ ва хоҷагиҳои ёрирасон бояд картошка кошта шавад, ки то имрӯз мувофиқи иттилои мутахассисони идораи замини ноҳия, сокинон дар 1012 гектар замини наздиҳавлигӣ ва хоҷагиҳои ёрирасон картошка кишт намудаанд.
Бо мақсади сари вақт кишт намудани картошка дар ноҳия ситоди ноҳиявӣ таъсис дода шудааст. Аз тарафи он дар байни аҳолӣ корҳои тарғиботӣ ба роҳ монда шуда, соҳибони қитъаҳои замини наздиҳавлигӣ ба истифодаи самараноки замин ҷалб шудаанд. Дар деҳаҳои баландкӯҳ ва дигар мавзеъҳои ноҳия бо истифода аз ҳавои мусоид кишту кори баҳорӣ бо маром идома дорад. 
Инчунин идораи беҳдошти замин ва обёрии ноҳия муваззаф карда шудааст, ки бо истифода аз техника ва ҷалби аҳолӣ коршоямии каналҳоро таъмин намояд.
Имрӯзҳо бо мақсади таъмини хоҷагиҳо бо тухмии хушсифати картошка ба воситаи соҳибкорон аз шаҳри Душанбе, вилояти Суғд ва ноҳияи ҳамсояи Лахш тухмии картошка ворид карда шуда истодааст. Бештари деҳқонон тухми картошкаи маҳаллӣ кишт мекунанд, ки он ба иқлими минтақа мутобиқ буда, ҳосили баланд медиҳад.
АКС: Мақомоти иҷроияи ҳокимияти давлатии ноҳияи Тоҷикобод
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
