Донишҷӯёни филиали Донишгоҳи давлатии Москва дар Душанбе бо фаъолияти Маҷлиси намояндагон аз наздик шинос шуданд
ДУШАНБЕ, 25.05. 2023 /АМИТ «Ховар»/. Имрӯз 50 нафар донишҷӯи фаъоли Донишгоҳи давлатии Москва ба номи М.В. Ломоносов дар шаҳри Душанбе ба Маҷлиси намояндагони Маҷлиси Олии Ҷумҳурии Тоҷикистон омада, бо фаъолияти ин мақоми қонунгузори мамлакат аз наздик шинос шуданд. Дар ин хусус ба АМИТ «Ховар» дар Маҷлиси намояндагон хабар доданд.
Иброз гардид, ки ин иқдом бо мақсади дар амал татбиқ намудани сиёсати давлатии ҷавонон, ҷалб намудани занону духтарон ба чорабиниҳои давлатию ҷамъиятӣ, дар шуури онҳо бедор намудани фарҳанги миллӣ, риояи талаботи қонунҳои миллии амалкунандаи ҷумҳурӣ, одобу ахлоқи ҳамида ва ташаккули малакаву маҳорати роҳбарӣ дар онҳо роҳандозӣ гардидааст.
Донишҷӯён имкон пайдо намуданд, ки бо фаъолияти парлумони касбии мамлакат ва кори Дастгоҳи Маҷлиси намояндагон аз наздик шинос шуда, дар бораи кори кумитаҳои он маълумоти муфассал гиранд.
Донишҷӯён тибқи нақша аз китобхона, осорхона ва толори ҷаласаҳои Маҷлиси намояндагон ва толорҳои таърихии Маҷлиси Олии Ҷумҳурии Тоҷикистон дидан намуданд.
Зимни мулоқот бо донишҷӯён раисони кумитаҳои Маҷлиси намояндагон роҷеъ ба фаъолияти Маҷлиси намояндагон ахборот дода, иброз намуданд, ки андешаҳои созандаи Президенти Ҷумҳурии Тоҷикистон муҳтарам Эмомалӣ Раҳмон омили пешбаранда ва такмилдиҳандаи давлати миллии тоҷикон буда, аз марҳилаҳои аввали соҳибистиқлолии ҷумҳурӣ то имрӯз ба ҷавонон ва сиёсати давлатии ҷавонон таваҷҷуҳи хосса зоҳир менамоянд ва бо ин муҳаббат, ғамхориву самимияти падарона меҳри қишри созандаи ҷомеаро ба Ватан ва эҳтиромашонро ба арзишҳову муқаддасоти миллӣ афзун мегардонанд.
Гуфта шуд, ки Пешвои миллат принсипҳои бунёди сиёсати давлатии ҷавононро бо набзи замон ва руҳи ҷавонон мувофиқ сохта, дар доираи сиёсати созанда ваҳдати миллиро миёни ҷавонон густариш бахшиданд, меҳнати ҳалол ва интизоми қатъиро бунёд гузоштанд, робитаҳои судбахшро бо мамлакатҳои мутамаддин дар самти ҳамкориҳои ҷавонон боло бурданд ва шаклҳои нави фаъолияти ҷавононро роҳандозӣ намуданд.
Иҷрокунандаи вазифаи директори филиали Донишгоҳи давлатии Москва ба номи М. Ломоносов Рустам Ғаниев ба роҳбарияти Маҷлиси намояндагон барои пазироии самимии донишҷуён миннатдорӣ намуд.
АКС: Маҷлиси намояндагони Маҷлиси Олии Ҷумҳурии Тоҷикистон
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
