КОНГРЕССИ АВРУОСИЁ’23. Он ба рушди маҷмааи обу энергетикии Осиёи Марказӣ ва инфрасохтори нақлиётию логистикӣ нигаронида мешавад

Май 23, 2023 13:10

ДУШАНБЕ, 23.05.2023 /АМИТ «Ховар»/.  8-9 июн дар Боғи илм ва санъати «Сириус» дар шаҳри Сочии Федератсияи Русия Конгресси Авруосиё’23  баргузор мешавад. Дар ин хусус ба АМИТ «Ховар» дар Бонки рушди Авруосиё  хабар  доданд.

Дар конгресс чун анъана иҷлосияву муколамаҳои кушод  байни соҳибкорон, институтҳои молиявӣ, намояндагони мақомоти ҳокимияти давлатӣ, олимону коршиносон доир мегардад. Намояндагони беш аз 20 кишвари ҷаҳон барои дарёфти роҳҳои беҳтари рушди минтақаи Авруосиё, инчунин ҳамкорӣ баҳри беҳбуди шукуфоӣ ва рушди иқтисоди он ҷамъ меоянд.

Соли равон таваҷҷуҳ бештар ба ҳамкорӣ дар бахшҳои ҳаётан муҳим, аз қабили рушди маҷмааи обу энергетикии Осиёи Марказӣ ва инфрасохтори нақлиётию логистикӣ, тарҳи лоиҳаҳои пешрафтаи байнидавлатӣ дар соҳаи  саноат ва трансформатсияи рақамӣ нигаронида мешавад. Иштирокчиёни конгресс иқтидори шарикии байнисарҳадии давлат ва бахши хусусиро ҳамчун механизми татбиқи лоиҳаҳои бузурги инфрасохторӣ баррасӣ хоҳанд кард.

Дар баробари хатарҳои глобалӣ масъалаҳои таъмини амнияти озуқаворӣ ҳам дар сатҳи миллӣ ва ҳам  минтақавӣ аҳамияти хосса пайдо мекунанд. Иҷлосияи пленарии конгресс ба ҳамин мавзуъ низ  бахшида мешавад.

Хоҳишмандон метавонанд барои сабти ном ва шиносоӣ  бо барномаи конгресс ба сомонаи Конгресси Авруосиё’23 ворид шаванд.

АКС: Бонки рушди Авруосиё

 

Май 23, 2023 13:10

Хабарҳои дигари ин бахш

Беш аз 500 корманди Бонки миллии Тоҷикистон дар барномаҳои таълимии JVI такмили дониш намудаанд
Дар Душанбе ҷаласаи Шурои ҳамоҳангсозии Стратегияи миллии фарогирии молиявии Тоҷикистон доир шуд
Франсис Малиж: «Низоми бонкии Тоҷикистон ба нишондиҳандаҳои хуби иқтисодӣ ноил гардидааст»
ҚУРБИ АСЪОР: дар Тоҷикистон 1 рубли русӣ аз 0. 1135 то 0.1160 сомонӣ муқаррар шудааст
«Саноатсодиротбонк» ва Эксимбонки Малайзия лоиҳаҳои муштаракро амалӣ менамоянд
Бонки Аврупоии Таҷдид ва Рушд барои сармоягузории «сабз» дар Тоҷикистон маблағҳои нав ҷудо менамояд
ҚУРБИ АСЪОР: дар Тоҷикистон 1 доллари ИМА аз 10.9599 то 11.0000 сомонӣ муқаррар шудааст
Бонки миллии Тоҷикистон ба «Актив Бонк» барои анҷом додани амалиёти бонкӣ бо пули миллӣ ва асъори хориҷӣ иҷозатнома дод
ҚУРБИ АСЪОР: дар Тоҷикистон 1 евро аз 11.6570 то 11.9300 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1140 то 0.1165 сомонӣ муқаррар шудааст
Бонки миллии Тоҷикистон ба Ташкилоти суғуртавии «Такаффул» иҷозатномаи фаъолият дод
Ҳайати Тоҷикистон дар Форуми глобалии сиёсат дар Манила иштирок намуд