КОРКАРДИ ХИМИЯВИИ ДАРАХТОН. Барои гирифтани ҳосили дилхоҳ аз боғ гузаронидани он муҳим аст
ХОРУҒ, 15.05.2023 /АМИТ «Ховар»/. Бо гарм шудани иқлим ҳашароти зараррасон аз «лонаҳо»-и худ берун шуда, муғчаву барг ва танаи дарахтонро макида, дарахтони боғро на танҳо аз сабзишу ҳосилдиҳӣ бозмедоранд, балки дар оянда ба чӯби хушк табдил медиҳанд.
Сардори Муассисаи давлатии муҳофизати растанӣ ва химиякунонии кишоварзии Вилояти Мухтори Кӯҳистони Бадахшон Муъминшо Лутфишоев ба мухбири минтақавии АМИТ «Ховар» Файз Мирасан гуфт, ки «соли дуюм аст, ки зиёдшавии шумораи як намуди ҳашароти зараррасон бо номи мур дар ноҳияҳои Рӯшону Шуғнон ба назар мерасад. Аз ин рӯ мутахассисони муассисаи мо на танҳо дар фасли баҳор, балки дар охири фасли тирамоҳ низ ҳамроҳ бо боғдорон барои нобудсозии ин ҳашарот талош мекунанд. Коркарди баҳории боғҳо аз сафед намудани кӯракҳо, кофтани танаи дарахтон ва нобудсозии ҳашарот, ки зери пӯст ва ё баргҳои рехта «пинҳон» шудааст, оғоз ёфта, бо пошидани дору ба анҷом мерасад. Ин намуди ҳашарот хеле хатарнок буда, на танҳо дарахтони себу зардолу, олую ангур, ноку шафтолуро аз ҳосилдиҳӣ бозмедорад, балки пӯсту барги талхи дарахти чормағзро низ нобуд месозад. Мутаассифона, баъзе аз боғдорон кӯшиш мекунанд, ки бо усулҳои халқӣ ҳашаротро нобуд созанд ва ба мутахассисони соҳа хеле дер муроҷиат мекунанд. Аз ин рӯ гурӯҳи мо дар баробари дорупошӣ ҳамчунин ба боғдорон доир ба масъалаҳои пешгирӣ аз паҳншавии ҳашарот маълумоти мукаммал медиҳад».
Мутахассисони Муассисаи давлатии муҳофизати растанӣ ва химиякунонии кишоварзии вилоят изҳор доштанд, ки соли равон миқдори кофии заҳрхимикатҳо аз давлатҳои Чину Русия дастрас гардида, дар анборхонаҳо захира карда шудааст.
Агарчӣ дар чанд соли охир дар натиҷаи селексия намудҳои гуногуни дарахтони мевадиҳандаи ба офатҳои табиӣ тобовар зиёд ба назар расида, ҳосили хуб ҳам ба бор меоранд, аммо мутахассисони соҳа аз боғдорон даъват намуданд, ки барои пешгирӣ аз пайдоиши ҳашароти зараррасон аз коркарди химиявии дарахтон худдорӣ накунанд. Ҳар боғбон бояд донад, ки кай ва чӣ миқдору чӣ намуд дору ба дарахтони мевадиҳанда пошида мешавад. Танҳо дар ин маврид метавон ҳосили дилхоҳ ба даст овард.
АКС: АМИТ «Ховар»
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
