Намояндагони Парлумони Тоҷикистон дар ҷашни 50-умин солгарди Конститутсияи Покистон иштирок намуданд
ДУШАНБЕ, 13.05.2023 /АМИТ «Ховар»/. 10-12 май муовини аввали Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода ва узви гурӯҳи дӯстии байнипарлумонӣ, вакили Маҷлиси намояндагон Файзулло Наҷмиддиниён дар ҷашни 50-умин солгарди Конститутсияи Ҷумҳурии Исломии Покистон иштирок ва дар мавзуи «Устувории Конститутсия-кафолати устувории ҷомеа» сухан гуфтанд. Дар ин хусус ба АМИТ «Ховар» дар Маҷлиси намояндагон хабар доданд.
10 май вохӯрии муовини аввали Раиси Маҷлиси намояндагон Маҳмадалӣ Ватанзода бо Раиси Ассамблеяи Миллии Ҷумҳурии Исломии Покистон Раҷа Парвиз Ашраф баргузор гардид. Зимни он оид ба масъалаҳои ҳамкорӣ байни парлумонҳои Тоҷикистону Покистон ва самтҳои муҳими густариши робитаҳои сиёсии ду мамлакат табодули афкор сурат гирифт.
Таъкид карда шуд, ки нақши парлумонҳо дар густариш ва таҳкими равобити дӯстонаи байни ду мамлакат хеле арзишманд аст. Фаъол гардонидани Гурӯҳи дӯстии байнипарлумонӣ амри зарурӣ аст, зеро он дар тавсеа ва густариши ҳамкории байни Тоҷикистону Покистон дар ҳама соҳаҳо саҳми арзанда хоҳад дошт.
Ҷонибҳо ҳамчунин дар мулоқот бо муовини Раиси Ассамблеяи Миллии Ҷумҳурии Исломии Покистон Зоҳид Акрам Дурронӣ мавзуъҳои мубрами ҳамкориро баррасӣ намуданд.
Иброз гардид, ки байни Маҷлиси намояндагони Маҷлиси Олии Ҷумҳурии Тоҷикистон ва Маҷлиси намояндагони Ҷумҳурии Исломии Покистон Гурӯҳи дӯстӣ ва ҳамкорӣ таъсис дода шудааст ва барои муаррифии он бояд бештар иқдом намуд.
Дар ҳошияи чорабинӣ инчунин мулоқоти кӯтоҳ бо Раиси Маҷлиси Шӯрои Шоҳигарии Арабистони Саудӣ доктор Абдулло ибни Муҳаммад ибни Иброҳим оли Шайх, Одил Абиш Оглу Алиев, муовини Маҷлиси Миллии Ҷумҳурии Озарбойҷон, Шайх ал Хаттоб ибни Ғолиб, муовини раиси Шӯрои давлатии Салтанати Уммон, ҳайати Ҷумҳурии Исломии Эрон, сенаторони парлумони Покистон ва дигарон доир гардид.
АКС: Маҷлиси намояндагони Маҷлиси Олии Ҷумҳурии Тоҷикистон
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид
