Тоҷикистон пешрафтро дар масъалаи таъсиси Маркази зиддимухаддиротии Созмони ҳамкории Шанхай дар Душанбе таъкид намуд
ДУШАНБЕ, 05.05.2023 /АМИТ «Ховар»/. 4-5 май дар шаҳри Панаҷии Ҳиндустон ҳайати Тоҷикистон таҳти роҳбарии Вазири корҳои хориҷии ҷумҳурӣ Сироҷиддин Муҳриддин дар ҷаласаи Шӯрои вазирони корҳои хориҷии давлатҳои аъзои Созмони ҳамкории Шанхай иштирок намуд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Тибқи рӯзномаи ҷаласа, роҳбарони ниҳодҳои корҳои хориҷӣ роҷеъ ба масоили мубрами минтақавӣ ва байналмилалӣ табодули афкори амиқ анҷом доданд. Таваҷҷуҳи махсус ба омодагӣ ба нишасти Шӯрои сарони давлатҳои аъзои СҲШ, ки баргузории он 4-5 июли соли 2023 дар Деҳлии Нав дар назар аст, зоҳир гардид.
«Созмони ҳамкории Шанхай бояд минбаъд низ рисолати асосии худ – рушди ҳамкорӣ дар асоси баробарҳуқуқии ҳамаи давлатҳои аъзо, эҳтироми мутақобила, нафъи мутақобила ва риояи қатъии иттифоқи ороро самаранок иҷро намояд», — гуфт зимни суханронӣ Сироҷиддин Муҳриддин.
Вазири корҳои хориҷии Тоҷикистон ҷиҳати густариши ҳамкории амалӣ дар соҳаи иқтисодӣ дар доираи СҲШ даъват ба амал овард. Дар робита ба ин зарурати анҷоми ҳарчи зудтари раванди гуфтушунид оид ба татбиқи ташаббуси Президенти Ҷумҳурии Тоҷикистон оид ба таҳияи Стратегияи рушди иқтисодии СҲШ то соли 2030 таъкид гардид.
Дар заминаи баррасии мушкилоти амнияти минтақавӣ ва таҳдиди маводи мухаддир Сироҷиддин Муҳриддин пешрафтро дар ҳамоҳангсозии пешниҳоди ҷониби Тоҷикистон дар бораи таъсиси як ниҳоди алоҳидаи доимамалкунандаи СҲШ – Маркази зиддимухаддиротӣ дар Душанбе таъкид намуда, ҳамчунин аҳаммияти ривоҷ додани ташаббуси барпо намудани «камари бехатарӣ» атрофи Афғонистонро таъкид намуд.
Вазири корҳои хориҷии Тоҷикистон изҳори умедворӣ кард, ки узвияти комилҳуқуқи Ҷумҳурии Исломии Эрон дар СҲШ имконоти навро барои афзоиши зарфияти ин Созмон боз мекунад.
Зимни ҷаласа бо қарори Шӯрои вазирони корҳои хориҷии СҲШ шаҳрванди Ҷумҳурии Тоҷикистон, чемпиони олимпии Бозиҳои олимпии соли 2016 ва муовини президенти Кумитаи миллии олимпии Тоҷикистон Назаров Дилшод бо унвони фахрии «Сафири иродаи нек»-и СҲШ сарфароз гардонида шуд.
Аз натиҷаи ҷаласа 14 қарор қабул шуда, тафоҳумномаҳо дар бораи додани мақоми шарики муколамаи СҲШ ба Ҷумҳурии Малдив, Ҷумҳурии Иттиҳоди Мянма, Амороти Муттаҳидаи Араб ва Давлати Кувайт ба имзо расид.
АКС: Вазорати корҳои хориҷии Ҷумҳурии Тоҷикистон
Аббос Алиободӣ: «Эрон омода аст, ки таҷрибаи худро дар соҳаи обу энергетика бо Тоҷикистон ва ҷаҳон мубодила намояд»
Имрӯз Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 оғоз мегардад
Томас Мануэл: «Тоҷикистон дар самти мушкилиҳои марбут ба обу иқлим давлати пешсаф муаррифӣ гардидааст»
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Мартин Чунгонг: «Ташаббуси Президенти Тоҷикистон оид ба дипломатияи об сазовори дастгирӣ дар ҳама сатҳҳо мебошад»
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
