Тоҷикистон содироти ангурро ба Чин шуруъ менамояд
ДУШАНБЕ, 23.05.2023 /АМИТ «Ховар»/. Тавре қаблан иттилоъ додем, 18 май дар Ҷумҳурии Мардумии Чин Протокол байни Кумитаи бехатарии озуқавории назди Ҳукумати Ҷумҳурии Тоҷикистон ва Саридораи гумруки Ҷумҳурии Мардумии Чин оид ба талаботи фитосанитарӣ ҳангоми содироти ангури тару тоза аз Ҷумҳурии Тоҷикистон ба Ҷумҳурии Мардумии Чин ба имзо расонида шуд.
Тавре ба АМИТ «Ховар» дар Кумитаи бехатарии озуқаворӣ дар бораи ин санад иттилоъ доданд, Протокол бо мақсади густариши ҳамкорӣ дар соҳаи бехатарии озуқаворӣ барои манфиат ва беҳбуди мардуми давлатҳои худ, инчунин баҳисобгирии мавқеи асосии бахши аграрӣ дар таъмини амнияти озуқаворӣ ба имзо расидааст.
Ба имзо расидани протоколи мазкур ба ташкил ва фароҳам овардани шароит дар барқарор намудани равобити бевоситаи субъектҳои соҳаи кишоварзӣ ҷиҳати содироти ангури тару тоза аз Ҷумҳурии Тоҷикистон ба Ҷумҳурии Мардумии Чин, назорати сифати майдони токзори мавҷуда, беҳтар намудани мубориза бар зидди организмҳои зараррасони карантинӣ, зиёд намудани ҳосилнокии токзор, ҳавасманд гардонидани хоҷагиҳои ангурпарвар ва дар маҷмуъ баҳри беҳтар гардидани вазъи иқтисодиёти ҷумҳурӣ мусоидат менамояд.
Ёдовар мешавем, ки 16-19 май Президенти Ҷумҳурии Тоҷикистон муҳтарам Эмомалӣ Раҳмон бо сафари давлатӣ дар Ҷумҳурии Мардумии Чин қарор доштанд. Баъди анҷоми мулоқоту музокироти сатҳи олии Тоҷикистону Чин аз рӯи натиҷаҳои он дар ҳузур ва бо иштироки сарони давлатҳо санадҳои нави ҳамкорӣ ба имзо расонида шуд.
АКС: АМИТ «Ховар»
Муҳаммад Солеҳ Ас-Сувайҳ: «Тоҷикистон дорои имкониятҳои назарраси сармоягузорӣ дар бахшҳои гуногуни иқтисодиёт мебошад»
Рушди ҳамкории иқтисодию тиҷоратии Тоҷикистон ва Малайзия баррасӣ гардид
Рушди ҳамкории дуҷонибаи Тоҷикистону Арабистони Саудӣ дар соҳаи сайёҳӣ баррасӣ шуд
Дар ноҳияи Дӯстӣ ҷамъоварии ҳосили полезӣ идома дорад
Ҳамкории Тоҷикистон ва Қатар дар самти ҷалби сармоягузорӣ тақвият дода мешавад
Татбиқи лоиҳаҳои амалкунандаи соҳаҳои воқеии иқтисодиёти Тоҷикистон дар Боку баррасӣ гардид
Дар Душанбе ҷаласаи Кумитаи роҳбарикунандаи «Барномаи дастгирии энергетикаи устувор дар Тоҷикистон» баргузор шуд
Байни Тоҷикистон ва Корпоратсияи байналмилалии исломии маблағгузории савдо созишнома ба имзо расид
Муовини якуми Сарвазири Тоҷикистон бо Президенти Бонки исломии рушд мулоқот намуд
Ҷаласаи якуми Шурои кории муштараки Тоҷикистону Эрон баргузор мешавад
Вазорати нақлиёт Маркази байналмилалии тамосро бо истифода аз зеҳни сунъӣ дар шакли озмоишӣ фаъол намуд
Тоҷикистон дар панҷ моҳи соли 2026 чӣ қадар маҳсулоти кишоварзӣ ба хориҷӣ мамлакат содирот намуд?
