Тоҷикистон ва Қазоқистон ҳамкориро дар соҳаи ВАО густариш медиҳанд
ДУШАНБЕ, 05.05.2023 /АМИТ «Ховар»/. Тоҷикистон ва Қазоқистон ҳамкориро дар соҳаи воситаҳои ахбори омма, табодули таҷриба ва омода намудани кадрҳои рӯзноманигорӣ густариш медиҳанд. Дар Остона дар доираи сафари давлатии Президенти Ҷумҳурии Тоҷикистон Эмомалӣ Раҳмон ба Қазоқистон Ёддошти тафоҳум оид ба ҳамкорӣ байни Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон ва «Телерадиокомлекси Президенти Ҷумҳурии Қазоқистон» ба имзо расид, хабар медиҳад АМИТ «Ховар».
Ёддошти тафоҳум, ки ба фароҳам овардани замина барои рушд ва таҳкими ҳамкорӣ байни воситаҳои ахбори оммаи Қазоқистон ва Тоҷикистон нигаронида шудааст, аз ҷониби Директори АМИТ «Ховар» Субҳиддин Шамсиддинзода ва Директори генералии «Телерадиокомлекси Президенти Ҷумҳурии Қазоқистон» Раушан Кажибаева ба имзо расид.
Бино ба гуфтаи Директори АМИТ «Ховар», наздикшавии ду давлат тавассути муҳтавои иттилоотӣ дар доираи манфиатҳои муштарак ва стратегии Қазоқистон ва Тоҷикистон, бахусус дар соҳаи иқтисодӣ, таҳкими амният ва ҳамкорӣ дар масъалаҳои минтақавӣ ва байналмилалӣ рушд менамояд. Барқарор намудани робитаҳо байни воситаҳои ахбори оммаи ду давлат имкон медиҳад, ки таҷрибаи нави ҳамкорӣ дар соҳаи ВАО, табодул ва омода намудани кадрҳои рӯзноманигорӣ аз худ карда шавад.
«Иртибот дар соҳаи ВАО ба таври анъанавӣ вобаста ба хусусияти умумии ҳамкории байни давлатҳо бунёд карда мешавад. Имрӯз муносибатҳо дар соҳаи ВАО бо мундариҷаи гуногун фаро гирифта шудаанд, ки ин барои ҳамкории муваффақ имконоти нав мекушояд», — гуфт Р. Кажибаева.
Директори АМИТ «Ховар» бо кори студияи шабакаҳои телевизионии «Jibek Joly» ва «SilkWay», ки ба меъёрҳои муосири телевизиони ҷаҳонӣ ҷавобгӯ мебошад, шинос шуд.
«Телерадиокомлекси Президенти Ҷумҳурии Қазоқистон» ширкати бузурги расонаӣ дар Қазоқистон буда, ба он Телевизиони ҷумҳуриявии «Jibek Joly», Шабакаи байналмилалии телевизионии «SilkWay», Агентии байналмилалии иттилоотии «Казинформ» ва Маркази филмҳои мустанад шомил мебошад.
АКС: АМИТ «Ховар»
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
Неругоҳҳои барқи обии «Норак» ва «Бойғозӣ» барои гузаронидани мавсими сармо омода мебошанд
Дар Душанбе нахустин Анҷумани саратоншиносон ва радиологҳои Тоҷикистон доир шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Дар Душанбе иди бостонӣ ва миллии мо-Меҳргон бо шаҳомати хосса доир мегардад
Намояндагони Суди Олии Тоҷикистон дар Форуми байналмилалии судяҳо оид ба моликияти зеҳнӣ иштирок намуданд
