ВАРАҚАИ ИТТИЛООТӢ. Иттиҳоди Аврупо стандарти истеҳсоли устувори кишоварзиро дар Тоҷикистон пеш мебарад
ДУШАНБЕ, 25.05.2023 /АМИТ «Ховар»/. Лоиҳаи рушди фарогири деҳот/ TRIGGER Иттиҳоди Аврупо (ИА) ташаббуси Гурӯҳи кории миллии техникии Вазорати кишоварзии Ҷумҳурии Тоҷикистонро дар гузаронидани омӯзиши 5-рӯза оид ба стандарти GLOBAL GAP дастгирӣ намуд. Дар тренинг мутахассисони вазорату идораҳои гуногуни давлатӣ, инчунин намояндагони ширкатҳои консалтингии кишоварзӣ иштирок намуданд.
GLOBAL GAP стандарти байналмиллалӣ барои истеҳсолкунандагони кишоварзӣ мебошад, ки бехатарии ашёи кишт, аз қабили ғизо, тухмӣ ва маҳсулоти ниҳоиро таъмин мекунад.
Сертификатсия ба стандарти GLOBAL GAP аз ҷониби фурӯшандагон ва ширкатҳои бузурги хидматрасонии хӯрокворӣ дар саросари ҷаҳон эътироф гардида, барои деҳқонон ва истеҳсолкунандагони маҳсулоти хӯрокворӣ дар Тоҷикистон имкониятҳои нав фароҳам меорад. Он ба устувории истеҳсолоти кишоварзӣ тавассути ҳавасмандгардонии сарфаи об, ҳифзи хок ва истифодаи усулҳои ҳамгирошудаи мубориза бар зидди ҳашароти зараррасон мусоидат хоҳад кард.
Тренинг маълумот ва фаҳмиши пурарзишро дар бораи талабот оид ба истеҳсоли бехатар ва устувор, таъмини баланд бардоштани сифат тавассути коркард ва нигоҳдории маҳсулоти кишоварзӣ, ки бо стандартҳои бозорҳои байналмилалӣ мутобиқ карда шудааст, фароҳам овард.
Гурӯҳи тренерони сертификатсияшуда метавонанд минбаъд стандарти GLOBAL GAP-ро дар хоҷагиҳои деҳқонӣ татбиқ намоянд, ба воридшавии хоҷагиҳои деҳқонӣ ба бозорҳои байналмилалӣ мусоидат кунанд, дар консолидатсияи маҳсулот ва дигар вазифаҳои фавриро дар доираи Гурӯҳи миллии техникии Вазорати кишоварзии Ҷумҳурии Тоҷикистон дастгирӣ созанд.
Ҷорӣ намудани GLOBAL GAP дар Тоҷикистон сифат ва бехатарии маҳсулоти кишоварзиро беҳтар мекунад, дастрасӣ ба бозорҳои навро афзоиш медиҳад ва таҷрибаҳои устувори соҳаи кишоварзиро пеш мебарад. Ин имкон медиҳад, ки даромади деҳқонон афзоиш ёбад, сармояи иловагӣ ҷалб ва иқтисодиёти мамлакат мустаҳкам шавад.
Барои гирифтани маълумоти муфассал, лутфан муроҷиат намоед: Шарофат Ашурова, тел.: (+992) 987270046, почтаи электронӣ: sharofat.ashurova@giz.de.
Дабири кулли СММ барои дар сатҳи ҷаҳонӣ мубориза бурдан бо гармои шадид даъват намуд
Аз 27 июл то 1 август дар Тоҷикистон чангу ғубор ва дар баъзе ноҳияҳо омадани сел пешгӯӣ мешавад
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
