«БЕҲТАРИН МУТАХАССИСИ ИТТИҲОДИ ДАВЛАТҲОИ МУСТАҚИЛ ДАР СОЛИ 2023». Корманди Хадамоти гумруки Тоҷикистон дар озмун дар номинаи хизматчии давлатӣ ва ҳифзи ҳуқуқ ғолиб шуд
ДУШАНБЕ, 14.06.2023 /АМИТ «Ховар»/. Корманди Хадамоти гумруки назди Ҳукумати Ҷумҳурии Тоҷикистон Парвиз Тағоев ғолиби Озмуни байналмилалии «Беҳтарин мутахассиси Иттиҳоди Давлатҳои Мустақил дар соли 2023» дар номинаи хизматчии давлатӣ ва ҳифзи ҳуқуқ гардида, бо Дипломи дараҷаи 1, нишони сарисинагӣ ва шаҳодатнома қадрдонӣ шуд.
Тавре АМИТ «Ховар» бо истинод ба Хадамоти гумруки назди Ҳукумати ҷумҳурӣ иттилоъ медиҳад, бо ибтикори Вазорати маориф ва илми Ҷумҳурии Қазоқистон дар ҳамбастагӣ бо Ассотсиатсияи «Ҳаракати умумихалқии Бобек» барои муайяннамоии беҳтарин мутахассисону кормандон байни кишварҳои Иттиҳоди Давлатҳои Мустақил таҳти унвони «Беҳтарин мутахассиси Иттиҳоди Давлатҳои Мустақил-2023» аз рӯи 21 номина озмун баргузор гардида буд.
Дар ҷамъбасти озмун Парвиз Тағоев дар номинаи хизматчии давлатӣ ва хизматчии ҳифзи ҳуқуқи озмуни мазкур беҳтарин дониста шуд.
АКС: Хадамоти гумруки назди Ҳукумати Ҷумҳурии Тоҷикистон
Дар шаҳри Душанбе ҳавои камабри бебориш пешгӯӣ мешавад
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
