Дар Душанбе таҳти унвони «Нақши забон дар таҳкими Ваҳдати миллӣ» конференсия доир гардид
ДУШАНБЕ, 26.06.2023. /АМИТ «Ховар»/. Дар Кумитаи забон ва истилоҳоти назди Ҳукумати Ҷумҳурии Тоҷикистон бахшида ба Рўзи Ваҳдати миллӣ Конференсияи илмию амалӣ таҳти унвони «Нақши забон дар таҳкими Ваҳдати миллӣ» баргузор гардид. Дар ин хусус ба АМИТ «Ховар» дар Кумитаи забон ва истилоҳоти ҷумҳурӣ хабар доданд.
Дар конференсия аз ҷониби мутахассисони бахшҳои гуногуни забоншиносӣ дар мавзуъҳои «Нақши ваҳдатофарини забони тоҷикӣ дар масири таърих», «Сиёсати давлатии Ҳукумати Ҷумҳурии Тоҷикистон дар бораи забон», «Вазъи иҷтимоии забони тоҷикӣ дар 26 соли Ваҳдати миллӣ» ва дигар масъалаҳои ба ин мавзуъ алоқаманд, зиёда аз 10 маърўза пешниҳод гардид.
Маърузачиён таъкид намуданд, ки забони тоҷикӣ ҷавҳари миллати моро ташкил медиҳад ва он дар таҳкими ваҳдати миллӣ, сарҷамъ намудани мардум ва таҳкими худшиносию ватандўстии насли ояндасоз-наврасону ҷавонон нақши муҳим мебозад.
Иштирокдорони конференсия ҷиҳати татбиқи босамари забони давлати ибрози андеша намуда, дар ин зимн баҳри равнақи он тавсияҳои муҳим пешниҳод намуданд.
Дар интиҳо аз ҷониби ҳайати иштирокдорони Конференсия «Тавсиянома оид ба рушду инкишофи забони давлатӣ дар таҳкими Ваҳдати миллӣ» қабул гардид.
АКС: Кумитаи забон ва истилоҳоти назди Ҳукумати Ҷумҳурии Тоҷикистон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
