Дар Душанбе зимни вохӯрӣ бо кормандони соҳаи тандурустӣ мавзуи пешгирӣ аз амалҳои коррупсионӣ матраҳ шуд
ДУШАНБЕ, 14.06.2023. /АМИТ «Ховар»/. Муқовимат ба коррупсия дар сиёсати давлатии Ҷумҳурии Тоҷикистон яке аз масъалаҳои асосӣ буда, баҳри пешгирии омилҳои ба он мусоидаткунанда сол ба сол тадбирҳои ҷиддитар андешида мешавад. Тавре Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон аз 26 декабри соли 2019 таъкид намуданд: «коррупсия яке аз монеаҳои ҷиддии рушди босуботи мамлакат буда, метавонад боиси коҳиш ёфтани эътибору обрӯи давлат дар арсаи байналмилалӣ ва норизогии шаҳрвандон аз фаъолияти сохтору мақомоти давлатӣ гардад». Ин матлаб зимни вохўрии намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо кормандони марказҳои ҷумҳуриявӣ, зерсохторҳои Вазорати тандурустӣ ва ҳифзи иҷтимоии аҳолӣ ва сармуҳосибони муассисаҳои тиббии пойтахт, ки имрӯз, 14 июн дар Муассисаи давлатии «Пажӯҳишгоҳи акушерӣ, гинекологӣ ва перинатологии Тоҷикистон» баргузор шуд, изҳор гардид.
Тавре АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, дар мулоқоти мазкур доир ба ҷараёни иҷрои «Стратегияи давлатии муқовимат ба коррупсия барои давраи то соли 2030» ва марҳилаи якуми он- солҳои 2021-2025 ибрози андеша карда шуда, таъкид гардид, ки ҳама вазорату идораҳо ва дигар ниҳодҳо бояд дар асоси ин Стратегия нақшаи чорабиниҳои солона таҳия ва дар ҳамкорӣ бо Агентӣ амалӣ намоянд.
Дар идомаи вохӯрӣ ҷиҳати истифодаи самараноки маблағҳои буҷетӣ, пешгирии омилҳои коррупсионӣ ва дигар сабабҳои пайдоиши ин амали номатлуб мубодилаи афкор сурат гирифт.
АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
