Дар Фестивали байналмилалии фарҳангӣ дар Боку гӯшаи Тоҷикистон ташкил гардида, дастархони тоҷикӣ ороста шуд
ДУШАНБЕ, 13.06.2023/АМИТ «Ховар»/. Дар шаҳри Боку бо ташаббуси Академияи дипломатии Озарбойҷон (Донишгоҳи ADA) 11 –умин Фестивали байналмилалии фарҳангӣ доир гардид. Аз ҷониби Сафорати Ҷумҳурии Тоҷикистон дар Ҷумҳурии Озарбойҷон гӯшаи миллии Тоҷикистон ташкил шуд, ки дар он намунаи ҳунарҳои мардумӣ, аз ҷумла сўзанӣ, атлас ва адрас, туҳфаҳои аз сафол, чӯб ва сангҳои ранга сохташуда, маводи чопӣ оид ба имконияти сайёҳии Тоҷикистон муаррифӣ гардиданд. Инчунин дар як қисми ин гӯша дастархони тоҷикӣ, ки аз таомҳои гуногуни миллӣ ва шириниҳо иборат буд, ороста шуд.
Тавре АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Озарбойҷон иттилоъ медиҳад, дар 11-умин Фестивали байналмилалии фарҳанг 35 сафорати муқими Ҷумҳурии Озарбойҷон ва хабарнигорон иштирок намуданд.
Мақсади баргузории Фестивали байналмилалии фарҳангӣ муаррифии таърих, фарҳанг, санъат ва таомҳои миллии кишварҳои хориҷӣ мебошад.
Дар анҷоми Фестивали байналмилалии фарҳангӣ намоишҳои эҷодӣ бо муаррифии осор, сурудҳо ва рақсҳои миллӣ барпо шуданд, ки дар он намояндагони Тоҷикистон низ иштироки фаъолона доштанд.
АКС: Сафорати Ҷумҳурии Тоҷикистон дар Ҷумҳурии Озарбойҷон
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
Сафири Тоҷикистон бо Вазири фарҳанг, варзиш ва ҷавонони Умон вохӯрӣ намуд
Ҳамкории Тоҷикистону Миср дар соҳаи технологияи рақамӣ баррасӣ гардид
Сафири Тоҷикистон бо Вазири адлияи Кувайт мулоқот кард
Президенти Узбекистон Вазири корҳои хориҷии Тоҷикистонро ба ҳузур пазируфт
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
Афзалияти ҷашни бостонии тоҷикон–Меҳргон тавассути воситаҳои ахбори оммаи Амороти Муттаҳидаи Арабӣ муаррифӣ гардид
Сарвазири Тоҷикистон бо муовини якуми Президенти Эрон мулоқот намуд
Сироҷиддин Муҳриддин бо Котиби давлатии Иёлоти Муттаҳидаи Амрико Марко Рубио мулоқот намуд
Раиси Ҳукумати Федератсияи Русия Михаил Мишустин ба Тоҷикистон ташриф овард
