Дар Хоруғ хизматчиёни давлатӣ бо талаботи гузариш ба Ҳукумати электронӣ ва усулҳои истифодаи он шинос гардиданд
ДУШАНБЕ, 21.06.2023. /АМИТ «Ховар»/. Аз 19 июн то 21 июн дар шаҳри Хоруғи Вилояти Мухтори Кӯҳистони Бадахшон курси сайёри такмили ихтисос барои хизматчиёни давлатии мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳоти шаҳру ноҳияҳои вилоят аз рӯйи барномаи «Татбиқи ҳукумати электронӣ ва тақвияти малакаҳои рақамии хизматчиёни давлатӣ» баргузор гардид. Дар ин хусус ба АМИТ «Ховар» дар Академияи идоракунии давлатии назди Президенти Ҷумҳурии Тоҷикистон хабар доданд.
Таъкид гардид, ки ки пешравии ҷаҳонии иттилоотӣ ва техникаву технологияҳои муосир аз давлату ҳукуматҳо талаб менамояд, ки барои мувофиқ намудани меъёрҳои коргузории давлатӣ ба стандартҳои байналмилалӣ ба низоми муосири Ҳукумати электронӣ рӯй оваранд.
Ҳукумати Ҷумҳурии Тоҷикистон низ бо мақсади осон ва оммафаҳм гардонидани низоми коргузории расмӣ ва инчунин тезонидани раванди баррасии санадҳои расмӣ барномаи гузариш ба Ҳукумати электрониро таҳия менамояд. Аллакай дар мамлакат баъзе зерсистемаҳои Ҳукумати электронӣ, аз қабили дархостҳои электронӣ ба мақомоти давлатӣ, низоми электронии қабули арзу шикоятҳо ва пардохтҳои давлатии электронӣ амал менамоянд, ки ин қадами нахустин барои гузариш ба Ҳукумати электронӣ мебошад.
Тазаккур дода шуд, ки мақсад аз баргузории курси мазкур ин фаҳмонидани мақсаду маром ва ҳадафҳои гузариш ба Ҳукумати электронӣ барои хизматчиёни давлатӣ мебошад.
Иброз гардид, ки ҳар як хизматчии давлатиро зарур аст, то аз меъёрҳо ва низоми Ҳукумати электронӣ огаҳ бошад ва ба таври ҳамешагӣ дар такмили малакаи истифодарии технологияи рақамӣ дар хизмати давлатӣ ҳиссагузор бошад. Ин аз як ҷиҳат агар ба содагардии раванди фаъолияти коргузорӣ дар хизмати давлатӣ таъсиргузор бошад, аз ҷиҳати дигар дар баррасии саривақтии дархостҳои шаҳрвандон кумакрасон мегардад.
Лозим ба таъкид аст, ки дар ҷараёни курси сайёри такмили ихтисос барои хизматчиёни давлатии мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳоти шаҳру ноҳияҳои Вилояти Мухтори Кӯҳистони Бадахшон аз рӯйи барномаи «Татбиқи ҳукумати электронӣ ва тақвияти малакаҳои рақамии хизматчиёни давлатӣ» шунавандагон бо талаботи гузариш ба Ҳукумати электронӣ ва усулҳои истифодаи он шинос гардиданд.
АКС: Академияи идоракунии давлатии назди Президенти Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
