Дар иёлати Теннессии Амрико пас аз тирпарронӣ ва сӯхтор ҷасади шаш нафар пайдо карда шуд
ДУШАНБЕ, 17.06.2023 /АМИТ «Ховар»/. Дар иёлати Теннессии Амрико пас аз тирпарронӣ ва сӯхтори хона ҷасади шаш нафар, аз ҷумла се кӯдак, пайдо карда шуд.Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзи ҷумъа шабакаи телевизионии маҳаллии WTVC-TV гузориш дод.
Фоҷиа рӯзи панҷшанбе соати 21:00 ба вақти маҳаллӣ дар маҳаллаи маъруф бо номи Секутчи рух дод. Эҳтимол, куштор рух дода, баъд аз он қотил худкушӣ намудааст.
Гуфта мешавад, ки полис пас аз дарёфти иттилоъ дар бораи тирпарронӣ ба ҷои ҳодиса ҳозир шуда, хонаро дар ҳолати сӯхтор пайдо намуд.
Идораи тафтишоти Теннесси изҳор дошт, ки як нафари дигар бо захми тир дар беморхонаи шаҳри Чаттануга бистарӣ гардид.
Ҷасади ҳалокшудагон барои ташхис ба маркази маъмурии Теннесси — Нэшвилл фиристода шуд.
АКС аз манбаъҳои боз
Имрӯз дар ноҳияҳои алоҳидаи кӯҳии Тоҷикистон борон меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
