Дар Литсейи касбӣ-техникии саноати кишоварзии шаҳри Кӯлоб ба занону духтарони бешуғл ҳунар меомӯзанд
КӮЛОБ, 13.06.2023. /АМИТ «Ховар»/. Бо мақсади ҷалб намудани занон ва духтарони хонашини деҳот ба касби дўзандагӣ дар Литсейи касбӣ- техникии саноати кишоварзии Ҷамоати деҳоти Даҳанаи шаҳри Кӯлоб машғулияти семоҳа ва дусола ташкил гардидааст, ки дар он беш аз 20 нафар занону духтарон ба чакандўзӣ, қўроқдузӣ, навъи попурӣ ва дигар ҳунарҳои қадимаи тоҷикӣ ҷалб гардидаанд. Занон ва духтарони деҳот баъди аз худ намудани ҳунарҳои мардумӣ соҳиби дипломҳои тахассусӣ гардида, ба шуғл фаро гирифта мешаванд. Дар ин хусус мухбири минтақавии АМИТ «Ховар» хабар медиҳад.
Литсейи мазкур бо 6 мошинаи дарздузӣ таъмин буда, дар он усто ва мутахассасисони ботаҷриба ба шогирдон ҳунар меомўзанд.
Ногуфта намонад, ки давоми соли равон занону духтарони Литсейи мазкур дар чандин чорабиниҳои шаҳрӣ ва вилоятӣ иштирок намуда, соҳиби «Ифтихорнома» ва «Сипоснома»-ҳои мақомоти марбута гардиданд.
Тавре устои таълимии истеҳсолии ихтисоси дўзандаҳои Литсейи мазкур Бозоргул Мирзоева изҳор дошт: «Мо миннатдории худро ба Пешвои миллат муҳтарам Эмомалӣ Раҳмон расонданием, чунки айни ҳол аксари занону духтарони хонашин ба соҳаҳои гуногуни ҷамъиятӣ ҷалб гардида, соҳиби касбу кори гуногун мешаванд. Дар Литсейи мо низ тасмим гирифтаанд, ки занону духтарони бешуғли деҳотро ба касби дўзандагӣ ҷалб намуда, соҳиби дипломҳои тахассусӣ намоянд. Айни ҳол шароити касбомӯзон дар Литсей хуб ба роҳ монда шуда, бо мошинаҳои дарздӯзӣ таъмин мебошанд».
Тазаккур бояд дод, ки дар литсей 200 нафар касбомўз аз рўи 6 ихтисос ба омўзиш фаро гирифта шудааст, ки аз ин шумора 85 нафари онҳо соҳиби дипломи тахассусӣ гардидаанд.
Барои боз ҳам беҳтар намудани шароити омўзиш барои касомўзон 6 синфхонаи иловагӣ, ошхонаи замонавӣ сохта шуда, корҳои дигари навсозӣ дар Литсей идома доранд.
Роҳбарияти Литсейи касбӣ -техникии саноати кишоварзии шаҳри Кӯлоб мақсад дорад, ки дар оянда низ шумораи касбомўзонро зиёд намуда, хатмкунандагони муассисаҳои тахсилоти умумӣ ва сокинони деҳотро ба он бештар ҷалб намояд.
АКС: АМИТ «Ховар»
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
